مصر موتورز مجتمع السيارات - ظبطت زوايا .. وربطت عفشة .. سحب العربية قل جدا

مصر موتورز مجتمع السيارات (https://www.masrmotors.com/vb/index.php)

- عفشة السيارة (https://www.masrmotors.com/vb/forumdisplay.php?f=152)

- - ظبطت زوايا .. وربطت عفشة .. سحب العربية قل جدا (https://www.masrmotors.com/vb/showthread.php?t=42483)

ظبطت زوايا .. وربطت عفشة .. سحب العربية قل جدا

السلام عليكم ورحمة الله وبركاته
الموضوع يا جماعة زي ما هو باين من العنوان .. انا اخدت عربيتي نزاهة وطلعت على مركز ظبط زوايا وعفشة قلت له شيك على الزوايا وربط لي العفشة .. المهم قال الزوايا كانت مقفولة شوية وفتحها مع ان العربية كانت زي الفل اصلا وقال ربط لك العفشة
خرجت من عنده سحب العربية بقى زفت .. كلمته قال انا ماعملتش حاجة ومافيش حاجة تحت تأثر على السحب وماخدتش منه لا حق ولا باطل
ومش عارف المشكلة فين بصراحة بس العربية مابقتش طبيعية وشيكت على الزوايا عند مركز تاني قال لي انها كانت مفتوحة شوية وقفلها يعني عكس الاولاني خالص بس السحب لا زال زفت
العربية سكودا فيليشيا 2000 انجيكشن
ياريت تفيدوني ممكن تكون المشكلة منين وايه تحت ممكن يأثر على السحب

رد: ظبطت زوايا .. وربطت عفشة .. سحب العربية قل جدا

اقتباس:

المهم قال الزوايا كانت مقفولة شوية وفتحها مع ان العربية كانت زي الفل اصلا وقال ربط لك العفشة

لازم تراجع على الزوايا تانى فى مركز ضبط زوايا محترم

واضح أنه فتح الزوايا وعمل تباعد بين العجلات الأماميه

وبالتالى العربيه حتبقى متكتفه معاك

والسحب فى الضياع

رد: ظبطت زوايا .. وربطت عفشة .. سحب العربية قل جدا

اقتباس:

المشاركة الأصلية كتبت بواسطة samirayad (المشاركة 309648)

طيب يا باشمهندس سمير انا روحت لمركز ظبط الزوايا اللي في بنزينة كالتكس في المعادي وانت طالع على الاوتوستراد وكشف عليها وقال اه قفلها شوية بس مافيش اي تحسن .. وتعبيرك دقيق جدا العربية متكتفة وده اللي قلته لما رجعت للي ظبطها قصدي للي بوظها اول مرة منه لله .. العربية متكتفة والسحب ضايع ورمى التهمة بقى على الموتور ولما صممت ان العربية حصل لها كده بس من ساعة ما جيت له قال يبقى في حاجة حصلت لوحدها بس جت كده في نفس الوقت .. يعني اي كلام وخلاص.
طيب ممكن حضرتك ترشح لي مكان ثقة ؟ وتقوللي اقول لهم ايه بالظبط لأن تكتيفة العربية دي سخيفة اوي.
شكرا لمتابعتك

رد: ظبطت زوايا .. وربطت عفشة .. سحب العربية قل جدا

شيك فى مكان آخر عندك بالقاهره

لأننى مقيم بالأسماعيليه

وقولى على النتيجه بعد التشييك

ومتابع معاك

للأطمئنان عليك والتحاور بخصوص أحوال السياره

وسنجد حلا

بفضل الله

رد: ظبطت زوايا .. وربطت عفشة .. سحب العربية قل جدا

يعني هاروح لمركز تالت ... طيب مش مشكلة بس يارب تكون بفايدة
اقول له ايه طيب .. اقفل لي الزوايا بقدر الامكان بحيث تكون اكتر قفلة بس في المظبوط ؟
اصل لو قلت له شيك زوايا هايقول لي كده كويسة وخلاص
ولو قلت له العربية مخنوقة من ساعة ما ظبط زوايا هايقول لي يا بيه الزوايا مالهاش علاق بخنقة العربية .. الناس دي عندها كونسيبت معين ثابت في دماغهم وهو انهم بس اللي فاهمين واحنا بنركب وبس... حضرتك ايه رأيك طيب؟
وبجد شكرا على متابعتك