|
إية الفرق بين الفيرنا والفيرنا الفيفا؟
بعد إذنكم ممكن أعرف الفرق بين الفرنا والفرنا الفيفا بس ياريت اللى يتكلم يكون عن تجربة أو متخصص وهل الفيرنا أفضل ولا الأفيو ولماذا،، أشكركم بشدة
|
رد: إية الفرق بين الفيرنا والفيرنا الفيفا؟
الفيرنا المصري و الفيفا الاتنين نفس العربية اسمهم اكسنت الجيل الثاني بس الفيرنا المصري Facelifted ليها زي الماتريكس مثلا و الشكل الجديد للماتريكس يعني الفيفا من 2000 الي 2002 و الشكل المصري من 2002 ل 2005 طبعا الكلام ده في الخارج لكن في مصر و الهند تصنيع الموديلات بيعمر شويه الفيفا محرك الاكسنت القديمه 1500 سي سي الفيرنا محرك الماتريكس و الجيتز و الالنترا القديمه ال 1600 سي سي احدث شويه 2 كامه علويه 104 حصان الفيرنا تجميع مصري ،،، الفيفا تجميع هندي التجميع المصري فيه مشاكل اغلبها اصبح معروف الفيفا يقال ان مفهاش مشاكل و تجميعها انضف لأن مصنع هيونداي في الهند مملوك لشركة هيونداي و لون الصالون في الفيفا بيج افضل شويه من الفيرنا المصري عداد الكيلو متر في المصري ديجتال في الفيفا تقليدي المصري منتشره اكتر و قطع غيارها متوفره و رخيصه و بالذات في الاجزاء الخارجيه صاج و فوانيس بخصوص مقارنة الافيو مع الفيرنا انا بميل اكتر للافيو لانها احدث و شكلها احلي و صالونها افضل بمراحل من صالون الفيرنا بالاضافه ان علامة شيفروليه ليه بريق مميز برده و لكن لو بتهتم بالاداء الافيو كامه واحده 77 حصان ، و استهلاك بنزينها عالي مقارنة بانها 1500 سي سي |
رد: إية الفرق بين الفيرنا والفيرنا الفيفا؟
أشكرك يا أستاذ أحمد على هذا التوضيح القيم وبالتوفيق لنا جميعا فى هذا المنتدى الرائع
|
رد: إية الفرق بين الفيرنا والفيرنا الفيفا؟
الافيو غاليه ع الفاضي ومتستهلش الفيرنا افضل
|
رد: إية الفرق بين الفيرنا والفيرنا الفيفا؟
الفيرنا احسن فى قطع الغيار منتشرة وارخص لكن الافيو اعلى من الفيرنا فى المطبات المنتشره فى مصر كلها
|
| الساعة الآن 06:31 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017