ياشباب اسكندريه اجيب دايهاتسو شاريد ولا لأ
 

انا من اسكندريه ومعايا 23000 مدوخنى
بعد ماكنت قررت انى اجيب حاجه جديده جت صاحبتى وكنت معاها عربيتها اتخبطت
كنا واقفين واللى قدامنا وهو بيرجع كسرلها فانوس
المهم انى فكرت انى لو جبت جديد وده حصلها حتضايقنى بجد
وبما انى مبتدئه فى السواقه فده وارد جدا
المهم قررت اجيب عربيه تبقى معايا فتره وبعدين ابقى بعديها ان شاء الله اجيب جديد
وبما انى عاوزه حاجه مكيفه فأنا قدامى كذا حاجه عاوزاكم تفاضلولى بينهم ولو فى اقتراح افضل
1- ستروين AX مو 95 (ودى قاللولى ان مافيش ميكانيكه بيعرفوا يتعاملوا معاها ده غير قطع الغيار اللى مش موجوده )
2- ديهاتسو شاريد مو 92-93 ودى مزيتها انها اتوماتيك ( بس فى حد بأثق فى كلامه قاللى انها مش اوى )
3- اى اختيارات تانيه ممكن تقترحوها عليا فى الحدود دى
بس طبعا عاوزاها مكيفه وياريت لو اتوماتيك
معلش تعبتكم معايا بس انتم اخواتى ورأيكم حيفرق كتير

رد: ياشباب اسكندريه اجيب دايهاتسو شاريد ولا لأ
 

ابعدى عن ديهاتسو لان قطع غيارها نااااااااااااااااار
انا معايا 2ديهاتسو سريون لما بيحصل فيهم حاجة لازم اسافر القاهرة واجيب قطع غيارها ارخص من الاسكندرية لان ملهاش قطع غيار فى الاسكندرية غير عند واحد محتكر قطع الغيار وبيبيع بيع غناوة
بس احييكى على فكرة العربية الاتوماتيك لان دى انسب حاجة للسيدات
انا مش حاضر فى دماغى عربية اتوماتيك فى حدود ال23000
بس ان شاء الله لو لاقيت حاجة حبقى ابلغك
وبردة ان شاء الله تلاقى حد عندة حاجة بالسعر دة

رد: ياشباب اسكندريه اجيب دايهاتسو شاريد ولا لأ
 

بجد ياريت يبقى ذوق من حضرتك جدا
وانا عن نفسى قولت ديهاتسو عشان اتوماتيك وسعرها كويس
وفى كمان الميرا والبردوا كانشيل اعتقد بس دول صغيرين اوى
وطبعا الاتوماتيك افضل عشان انا بأحس ان اللى بيسوقوا مانيوال بيحاربوا
ده غير انى عشان مبتدئه خايفه لو اتعرضت لموقف صعب انسى الدبرياج من الفرامل
فخلينى فى الاتوماتيك اسهل

رد: ياشباب اسكندريه اجيب دايهاتسو شاريد ولا لأ
 

طبعا الاتوماتيك اريح كتيرررررررررر عن المانيوال وانا واحد من الناس ما بسوقش غير اتوماتيك وما بسوقش مانيوال غير فى حالات نادرة جدا جدا
فا انا برشح الاتوماتيك لانة راحة فى السواقة
بس المشكلة فى الفلوس اللى مع حضرتك لو تقدرى تعليها شوية ممكن نلاقى حاجة محترمة ومش متهانة

رد: ياشباب اسكندريه اجيب دايهاتسو شاريد ولا لأ
 

يعنى اعليها تبقى فى حدود كام؟؟