جنوط اللانوس الفابريكه
 

السلام عليكم
كنت عايز اسأل على مكان شراء جنوط اللانوس الفابريكه لأن العربيه انا شاريها بجنوط اسبور و لكن في واحد فيهم في عوجه و واحد ملحوم
لأني ناوي اغير الكاوتش و بالتالي المقاس هيتغير.......
وموضوع الثبات مش فارق معايا اوي لاني ما بسافرشي كتير ولاني من طنطا فا الجري بالعربيه قليل
و طلب تاني لو سمحتم عايز اسأل على ماركه كاوتش كويس و حنين في السعر
انا سمعت عن البريللي والكموهو(كويس وسعره معقول)غا يا ريت اللي عنده فكره يقول و شكرا.....

رد: جنوط اللانوس الفابريكه
 

الكومهو ممتاز

عن تجربه أكثر من عشر سنوات

وحنين فى السعر

رد: جنوط اللانوس الفابريكه
 

وموضوع الجنوط الأصلى

أسأل عندك فى طنطا

الجماعه بتوع الكاوتش الجديد

أكيد حيدلوك على مكان بيع الجنوط

وممكن يدلوك على واحد لسه قالب من جنوط أصلى لجنوط أسبور

وحتاخد منه الجنوط الأصلى بتمن حنين برضه

ما هو إللى بيركب جنط أسبور

بتلاقيه بيبيع الجنوط الأصلى للأسف

علما بأنه لايعلى على جنوط العربيه الأصلى

وعربيتك وجنوطها الأسبور الحاليه أكبر دليل

الجنوط الأسبور الألمنيوم بتبقى عامله زى الملبن

متنفعش فى طرقنا التعبانه

وخصوصا عندنا فى وسط الدلتا

رد: جنوط اللانوس الفابريكه
 

شكرا جزيلا م/سمير.......انا معايا فردتين كومهو و هو فعلا حمال اسيه ......

رد: جنوط اللانوس الفابريكه
 

مش على طول يا بشمهندس
انا مثلاً مبعتشهومش و مخليهم عشان لو بعت العربية مش هبيع بالجنوط السبور... (عربيتي فيرنا) و معروف ان جنوط الفيرنا الحديد سيئة جداً على السرعات مهما ترصص فيها :(

و طبعأ انا مركب جنط سبور مش منظر بس .. بل لتحسين الفرامل و الثبات على الطريق عن طريق كاوتش اعرض