طقم البلفه فى اللانوس بكااااااااام ؟؟؟؟؟
 

ازيكم يا اصدقائى....

العربيه اللانوس عندى كانت بتعمل صوت تكتكه وهى دايره والصوت ده بيزيد لما ادوس بنزين

.....رحت للميكانيكى من غير حتى ما يفتح غطا التاكيهات قالى العربيه عايزه طقم بلفه

رحت سألت عليه جديد مفيش........يا ريت لو حد يعرف سعره عند بتوع الاستيراد

اكون شاكر جدا

ويا ترى كلام الميكانيكى ده صح ولا بيهرتل؟؟؟؟؟؟؟

شكرا مقدما.....

رد: طقم البلفه فى اللانوس بكااااااااام ؟؟؟؟؟
 

طقم مره واحده

ليه ................؟

هما كلهم بيتسدوا مره واحده

جرب مبدئيا تستعمل فلش أويل

بحيث تنظف دورة التزييت

وربنا يقدم مافيه الخير

______________

وياريت برضه تغير طقم بوجيهات وتظبط الثغره بتاعة البوجيه على 0.7 مم

مع تغيير فلترى الهواء والبنزين

وجرب المكنه

بعد شوية الشغل دول

رد: طقم البلفه فى اللانوس بكااااااااام ؟؟؟؟؟
 

اشكرك يا استاذ سمير..........

هو فلش اويل ده بيستخدم ازاى ؟؟؟

وانا لسه مغير البوجيهات وفلتر الهوا والبنزين من حوالى شهر ومازال الصوت موجود

بس مش عارف يعنى ايه اظبط التغره على 0.7مم

بس انا قبل كده كنت رحت لميكانيكى قبل ده وفتح غطا التاكيهات وقالى عمود الكامه عايز يتغير

وان هو سبب الصوت ......وبعدين رحت لميكانيكى تانى هو اللى قالى

على حكايه البلفه......ربنا يسهل الحال
http://www.masrmotors.com/vb/images/..._11%5B1%5D.gif
احنا بلديات على فكره يا استاذنا ..........انا اسمعلاوى برده زيك وده شرف ليا طبعا

رد: طقم البلفه فى اللانوس بكااااااااام ؟؟؟؟؟
 

نتقابل ياباشا

ونكمل مع بعض على أرض الواقع

رد: طقم البلفه فى اللانوس بكااااااااام ؟؟؟؟؟
 

يا سلاااااااام يا استاذ سمير .........

ده انا اكون عاجز عن الشكر.... وفى غايه السعاده ان انا اقابل حضرتك

حضرتك حدد المكان والوقت ونتقابل ان شاء الله لما حضرتك تكون فاضى

انا رقمى0105575329

ياريت لو حضرتك تبعتلى رقمك وانا اكلمك

انا اسمى سعد رشاد

لسه يا دوبك مخلص بكالوريوس طب بشرى

وفى القريب العاجل ان شاء الله هستلم الامتياز فى مستشفى الجامعه
http://www.masrmotors.com/vb/images/..._19%5B1%5D.gif