|
استفسار فى لانسر 2004 بوما
لو سمحتوا ياجماعه للفنيين فى لانسر 2004 المروحه بتاع التبريد بتشتغل مع الكونتاكت وكمان بتشتغل على سرعه عاليه اول اما اشغل السيارة وبحس اول اما السيارة بتشتغل برعشه غير ملحوظه فى الانوار الاماميه والانوار الخلفيه ونور الصالون وكمان اما ببطل السيارة بلاحظ ان ممكن ارفع وانزل الزجاج لفترة بسيطه فده ممكن يكون من ايه ارجو الرد بسرعه
|
رد: استفسار فى لانسر 2004 بوما
اقتباس:
|
رد: استفسار فى لانسر 2004 بوما
اقتباس:
رفع الزجاج بعد التبطيل لفترة بسيطة ده طبيعي في أى لانسر و رعشة النور ده بيبقى مرة واحدة فقط أثناء التدوير أما لو استمر فده احتمال يكون عندك قفلة في كهربة العربية أو البطارية مش مظبوطة في الأمبير أو شحن الدينامو فيه مشكلة (هي مايه ولا جافة) ؟ نيجي بقى لقصة مروحة الريدياتير هي اللي مش طبيعي في عربيتك لأنها المفروض بتشتغل لما الموتور يسخن يعني مش بعد أقل من ربع ساعة بعد التدوير في الأوقات العادية لما تكون باردة و لازم تخلي كهربائي شاطر يبصلك عليها تقبل تحياتي |
رد: استفسار فى لانسر 2004 بوما
السلام عليكم
انا رديت على حضرتك فى المشاركة السابقة والاستاذ ميدو جاب المفيد واضيف ان المراوح ( تكييف وتبريد ) تشغل مع تشغيل التكيف يعنى لو حضرتك طفيت العربية والتكييف شغال ( وانا لا افضل هذا ) فمجرد تشغيل السيارة المراوح تشتغل وتستمر مروحة التبريد تشتغل وتفصل بالتناوب على السلانسية كل 10 ثوانى تقريبا ً اما خلاف ذلك فموضوع المروحة يحتاج لمتخصص |
رد: استفسار فى لانسر 2004 بوما
شكرا ياجماعه على الرد بس هو فعلا رعشة النور اول اما بدور العربيه وبعد كده بيستقر خالص لكن موضوع المروحه ده اللى مش فاهم ليه هل فى حساس مثلا ممكن يكون بايظ علشان كده بتشتغل علطول ولا ايه بالظبط ممكن يكون ايه السبب
|
| الساعة الآن 09:48 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017