مصر موتورز مجتمع السيارات - المشاركة الأولي ... استفسار حول بلي العجل فيات أونو

مصر موتورز مجتمع السيارات (https://www.masrmotors.com/vb/index.php)

- فيات FIAT (https://www.masrmotors.com/vb/forumdisplay.php?f=22)

المشاركة الأولي ... استفسار حول بلي العجل فيات أونو

مساء الفل يا شباب

دية مشاركتي الأولي في المنتدي بعد تجربة سيئة في أحدي المنتديات الأخري، اللي اتمني اني مشوفش عيوب المنتدي الأخر هنا برضة

انا عندي استفسار عن بلي العجل الأمامي، لأني غيرتة من فترة و جبت الإيطالي العادي و مكملش 6 شهور و ضرب تاني

الميكانيكي قالي حاول تجيب إس كي أف و فعلا انا مش عارف ممكن الاقية فين، فياريت لو حد عندة فكرة يقولي ( علي فكرة هو هو نفس بلي العجل بتاع 128 تقريبا )

كمان انا عندي الكارتيرة بتاعت الرفرف الأمامي طارت و عايز اجيب واحدة و مش عارف ممكن الاقيها فين

رد: المشاركة الأولي ... استفسار حول بلي العجل فيات أونو

في واحد في ابراهيم عبدالرازق
بعد هندسة مطرية علي طول , بسم الله ما شاء الله حلو جدا

رد: المشاركة الأولي ... استفسار حول بلي العجل فيات أونو

اقتباس:

المشاركة الأصلية كتبت بواسطة amrbakly (المشاركة 305509)

بالنسبة لبلي العجل إن شاء الله حتلاقيه في شارع " معروف " في وسط البلد عند بتوع الرومان البلي ، أو عند " الكيلاني " ، وبالنسبة لكارتيرة العجل حتلاقيها إن شاء الله في التوفيقيه في المول وبتكون في حدود 70 جنيه .
وبالتوفيق

رد: المشاركة الأولي ... استفسار حول بلي العجل فيات أونو

اهلا و سهلا بيك في مصر موتورز يا سيد عمر
الشباب قام بالواجب و قالوا علي الحل
بس فعلا skf انضف بلي ممكن تجيبه بس يكون اصلي
و بيبقي عند محلات معينه بتبيع رولمان بلي و سيور
و لازم تفك القديمه و يجيب لك واحده نفس المقاس

رد: المشاركة الأولي ... استفسار حول بلي العجل فيات أونو

الف شكر يا شباب علي المساعدة و تحديدا الأخ حازم طبعا بما انة من الحكومة بتاعت المنتدي SLAM

فعليا انا حنزل خلال الأسبوع الجاي اشوف اذا كان الكيلاني عندة ولا لأ، بس معتقدش لأني لما غيرت اخر مرة جبت الإيطالي المضروبة دية من عندة و مكملتش 6 شهور، هي فعليا لسة صوتها موصلش لمرحلة الغسالة الإيديال بس بدأت و بقت بتعملي صداع مستمر و رعشة في الدركسيون خفيفة