العربية بتغيب في الدوارة
 

السلام عليكم يا شباب

ايه أسباب غياب العربية في الدوارة ؟
العربية بتاعتي بقت بتغيب في الدوارة الصبح أو في اي وقت سواء سخنة أو باردة يعني بتفضل حوالي 10 ثواني لغاية ما تدور بس ساعات قليلة بتدور على طول ...
انا نظفت البوابة ونظفت الأيدل وغيرت البوجيهات و فلتر البنزين وبرضه فيها نفس المشكلة ... الموضوع ده بقاله شهر تقريباً مع ان العربية ماكنتش بتعمل كده خالص .
على فكرة البطارية بتاعتي جافة العدسة اللي بتبين شحنها بقى لونها أسود ... تفتكروا ممكن تكون السبب ؟
وشكــــــــراً

رد: العربية بتغيب في الدوارة
 

بالنسبه لغياب الدواره بتكون رشاشات
بالنسبه للبطاريه الجافه العدسه لونها اسود يبقى كده هاتضطر تشترى بطاريه جديده لانى كنت زيك وعملتها معايا ولما كانت البطاريه ضعيفه وبيبان لما تفتح الكونتاكت تلاقى نور التابلوه ضعيف يبقى العربيه مش هادور الا بالزق الحق واشترى واحده جديده اقبل ماتتزنق لانها عملتها معايا وانا مسافر

رد: العربية بتغيب في الدوارة
 

ضعف البطاريه هو السبب فى غياب الدواره معاك

نعمل أيه

1- حتحل أطراف البطاريه ( الموجب والسالب )

2- بحتة صنفره ناعمه وتصنفر الصوابع بتاعة البطاريه من الخارج

وفى نفس الوقت تصنفر القواطيش من الداخل

3- تكون مجهز غلاية مياه فيها ماء بحراره عاليه

4- أغسل الصوابع والقواطيش بالماء الساخن

5- ركب كل حاجه مكانها وربط بأحكام

وأطلع بالعربيه أعملك مشوار محترم

حوالى 50 كم رايح جاى ( يبقى المجموع مائة كيلو )

6- أرجع شوف لون عدسة البطاريه

تغير لونها للأخضر ولا لسه زى ماهى سوداء

7- لقيتها أخضرت ........يبقى أبشر بسهولة الدواره مستقبلا

8- لسه سوداء

يبقى البطاريه وحشه وعمرها خلاص أو شحن الدينامو ضعيف

_________________________

ومش عاوزك برضه تنسى

أنك مركب كتاوت تقويه للمارش

http://www.masrmotors.com/vb/showthread.php?t=41604

يعنى أنت عاوز بطاريه عشره على عشره

ويفضل أنك تفصل دبرياج على الأرضيه وأنت بدور

رد: العربية بتغيب في الدوارة
 

ده اللي بقيت اعمله يا هندسة بعد ما عرفت النصيحة دي في موضوع من مواضيع حضرتك الرائعة .
طيب سؤال يا هندسة ... هي الرشاشات ممكن تكون ليها سبب في موضوع غياب الدوارة ؟

رد: العربية بتغيب في الدوارة
 

بالنسبه لظروفك

لا أعتقد

لأن عندنا أمر واضح بالنسبه لك

وهو ضعف البطاريه الحالى

بالأضافه لضعف المارش

فدايما

المفروض بنركز مع الواضح ونشوف

جاب نتيجه .............خير وبركه

مجبش ...................نفكر فى أتجاهات أخرى

وعاوزين نحط فى دماغنا

مش كل مشكلة صعوبه فى الدواره

يبقى لازم يكون سببها رشاشات

تعددت الأسباب ..........والموت واحد