اكسدام الماتريكس 2011
 

اخواني الاعزاء بعد السلام عليكم ورحمة الله وبركاته
احب اقولكم في الاول ان منتداكم ده فعلا راااااائع وممتع جدا وانا استفدت منه كتير فعلا،
من كام يوم كده كنت ماشي في الطريق السريع وكان زحمة جدا وفجاه عربيه وقفت قامي فخبطت فيها وما عرفتش اقف، المهم الاكسدام الادماني اتكسر ومعاه حتة من اللوحة الامامية، اتصلت بالتوكيل فقالى ممكن تكلفك حوالي 3000 جنية (((((مش عارف ليه ))))) وقلي ان ممكن تروح لحد بتاع فيبر يلملك الموضوع ومش هايكلفك اكثر من 100 جنيه
المهم انا بصراحة خايف اروح لحد يعك وبعدين العربيه لسه زيرو 2011 مافكتشي اللزق من عليها
انصحوني يا اولي الرأي!!!GIFT4U

رد: اكسدام الماتريكس 2011
 

الحمد لله علي سلامتك واهلاً وسهلاً بحضورك لبيتك التاني مصر موتورز
وان شاء الله الموضوع بسيط وطبعاً (3000) جنية علشان كسر في اكصدام يبقة سرقة علناً
الأقتراحات
1- تروح لحد بتاع فيبر يلحم الأكصدام كويس ويرشة لو محتاج رش خفيفة او لو مش محتاج حسب رؤيتك. في صنيعي كويس جدا عند نزلة القناطر او باسوس من الدائري وانت جاي من المحور اسم المحل (المتخصص) واسم صاحب الورشة اللي بيشتغل بأيده( رامي فيبر) وده رقم تليفونه 0110806716

2- لو الكسر كبير ومايتلحمش يبقة تنزل الحرفيين عند الحج حمدي في محل الفتح
وده رقم تليفونة 0112787530 عنده كل حاجات الماتركس استيراد وان شاء الله تلاقي الأكصدام عنده نفس اللون علشان مترشش

3- تجيب اكصدام جديد من عند سامح بشرة في شارع شبرا امام بنزينة تعاون الخلفاوي او محل البنا في التوفيقية وتركبة وترشة

ارجو من الله ان تكون الأجابة مفيدة