مصر موتورز مجتمع السيارات - حلم الملايين للبيع هل من مشترى

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - حلم الملايين للبيع هل من مشترى (https://www.masrmotors.com/vb/showthread.php?t=41649)

حلم الملايين للبيع هل من مشترى

انا حزنت جداً عندما كنت اتصفح بعض الصفحات الخاصة بتقسيط السيارات وجال فى فكرى اليس من حق كل مواطن ان يحقق حلمة بأن يقتنى سيارة ولو صغيرة تحفظ لة ادميتة من استغلال وبشاعة معاملة الميكروباص والاتوبيس ولكن كيف والمواطن يعمل ليل ونهار ليجلب بعض المال الذى لا يتعدى 1500 جنية ويرغب بتقسي سيارة فكيف سيعيش او سيعمل جاهداً ليذهب الى السجن وذلك بسبب التميز الفكرى الذى يميز مصر بوضع جمارك تصل الى ضعف ثمن السيارة وكما قال الشاعر
مصر ليست امى ........ مصر مراة ابويا
لان الام مبتبهدلش ولادها .....................وعجب ى

رد: حلم الملايين للبيع هل من مشترى

هههههههههههههههههههههههه

انا بضحك من اللي بيحصلنا بجد احنا شعب يتفاتله بلاد بجد مفيش مره نشوف حد بيقول بعلو صوته ان ده حرام كلنا بنفضفض في النت ومن تحت لتحت

وزي ما قال الشاعر تعالو نصدر الكوسه بدل الغاز داحنا عندنا فائض من الكوسه يغرق ميدان الحجاز

رد: حلم الملايين للبيع هل من مشترى

اقتباس:

المشاركة الأصلية كتبت بواسطة الكشفى (المشاركة 303124)

انا حزنت جداً عندما كنت اتصفح بعض الصفحات الخاصة بتقسيط السيارات وجال فى فكرى اليس من حق كل مواطن ان يحقق حلمة بأن يقتنى سيارة ولو صغيرة تحفظ لة ادميتة من استغلال وبشاعة معاملة الميكروباص والاتوبيس ولكن كيف والمواطن يعمل ليل ونهار ليجلب بعض المال الذى لا يتعدى 1500 جنية ويرغب بتقسي سيارة فكيف سيعيش او سيعمل جاهداً ليذهب الى السجن وذلك بسبب التميز الفكرى الذى يميز مصر بوضع جمارك تصل الى ضعف ثمن السيارة وكما قال الشاعر
مصر ليست امى ........ مصر مراة ابويا
لان الام مبتبهدلش ولادها .....................وعجب ى

عايز الحق ياباشا, الناس فعلا تستحق حاجة تحفظ أدميتها, سواء عربية أو ديمقراطية, أو أسعار كويسة أو حتى مواصلات أدمية.

بس لو أتكلمنا على العربيات, تخيل ياباشا لو كل واحد خد عربية ببلاش, البلد دلوقتى أصلا زحمة, شوف بقى هتبقى عاملة أزاى لما الناس كلها تركب عربيات, والبنزين اللى هيخلص, ومش هتعرف تحط رجلك فى الشارع أو حتى تلاقى مكان تركن فيه عربيتك ولو فى الصحراء.

للأسف سكوت الناس على الظلم حوله لواقع يومى, وخلى فيه توازن مشوه فى البلد, ناس بتاكل وبتشرب وبتنام مطمئنة وبيركب بدل العربية 5, وناس معندهاش كرامة وأدمية لدرجة أنها تنزل تشحت فى الأشارات, أو تحتفظ بكرامتها لحد ماتموت من الجوع فى بيتها او مكانها, ده غير الصحراء الفاضييييية الى سايبنها ومتركزين فى أقل من 5% من مساحة البلد.

وبالمرة, بقى عندنا وزراء وأعضاء مجلس شعب, أثنين فى واحد من كتر حب الناس فيهم, ربنا يرحمنا برحمته.

أسف على التطويل بس كل ما أفكر فى البلد قلبى يوجعنى.

رد: حلم الملايين للبيع هل من مشترى

بس انا ليا رأى مختلف ان احنا لوعدلنا حال المواصلات كالأتوبيس والمترو وعدلنا من سلوكنا وعادتنا الغلط وطورنا انفسنا شويه ممكن نتخلى عن العربيات حتى اللى معاهم عربيات لو لقوا مواصلات ادميه ومريحه فلن يستعينوا بسياراتهم وبالتالى الأزمه هتتحل

رد: حلم الملايين للبيع هل من مشترى

والله انا شايف اللى احنا فيه نتيجة سلبية مننا وعدم اتقان عمل واحترام حرية الاخرين بوجه عام فكل اللى احنا فيه بسبب اسلوبنا فى الحياة الخاطئ