غسلت الموتور .... المارش فصل
 

السلام عليكم يا شباب
من ساعة تقريباً رحت اغسل الموتور بالفوم في مغسلة جنبي لأن الموتور كان مش نضيف خالص , المهم بعد الغسلة المحترمة دوت العربية , العربية دارت عادي مفيش مشكلة , بعد ماغسلت بودي العربية وجاي ادور عشان امشي والعربية مش عايزة تدور مع ان الكهرباء وصلة وسامع صوت طرمبة البنزين ... لحسن الحظ كان في كهربائي جنب المغسلة كشف على العربية لقى المارش سليم مفيهوش حاجة , بس لقى كتاوت متوصلة بالمارش راح فككها لقى جواها اتربة ووساخة جامدة اوي , راح مغير الكتاوت بواحدة عنده راحت العربية دايرة .
المهم انا بسأله ايه لازمة الكتاوت دي قالي عشان تقوم المارش لان تقريباً المارش عندك ضعيف ومحتاج كتاوت عشان تقومه .
فكنت بسأل الموضوع ده صح ولا غلط ؟
وهل يفضل تغير حاجة في المارش او حتى تغير المارش كله ولا ممكن اشتغل عادي بالكتاوت دي ؟

رد: غسلت الموتور .... المارش فصل
 

صح نظرا لظروف المارش عندك

ممكن تشتغل عادى لحد مالمارش يصل لمرحلة الهزيان عندك وميقدرش يقوم المكنه

وبعد كده تتعامل مع المارش بصوره صح

وتشيل كتاوت التقويم الملحق بجوار المارش

وتشتغل على كتاوت ال start الأساسى بعلبة الفيوزات

____________________

دى كلها أختراعات مصريه للأسف

وغير مشار إليها بكتالوج السياره

رد: غسلت الموتور .... المارش فصل
 

شكرا يا هندسة على الأهتمام بمشكلتي

رد: غسلت الموتور .... المارش فصل
 

الله يخليك

ياهندسه

على فكره الكتاوت ده بيعملوه

بنفس نظرية كتاوت تقوية النور

بهدف تقصير مشوار التيار على أوتوماتيك المارش

بحيث التيار بدل مايمشى عن طريق رأس الرجاء الصالح

بطاريه - كونتاكت - أوتوماتيك المارش

يمشى مباشرة

من البطاريه إلى أوتوماتيك المارش

ليها شغلانه ملعبكه كهربيا شويه

رد: غسلت الموتور .... المارش فصل
 

أفهم من حضرتك كده ان الموضوع عادي وبيتعمل في عربيات كتير ومفيش منه اي قلق ؟