سوال للمهندس سمير عياد ؟
 

بعداذنك يا هندسة لو ممكن اسئل هو انا لو فصلت البطارية يعنى شيلتها خالص
و ذلك بغرد الحفاظ على العربيه من السرقة هل يمكن تدوير العربية باى طريقة اخرى مع لاعدم وجود بطارية ؟ انا مش هعمل كدة الا لو كنت مسافر بس حبيت استفسر
مع خالص تحياتى
ياسين موسى

رد: سوال للمهندس سمير عياد ؟
 

عزرا أستاذ :ياسين على التأخر فى الرد

فلسه شايف الموضوع ده حالا

_____________

طيب هى البطاريه عدم وجودها إللى حيمنع العربيه من السرقه

الحراميه أساتذه

ممكن تلاقى حرامى متابعك

ويجيب بطاريه ويدور بيها

وياخد العربيه

لا قدر الله

سيبها على الله

وأذا كانت سيارتك غير مزوده بجهاز أنذار

ركب لها جهاز أنذار

فهذا جانب أمانى كبير ضد السرقات

رد: سوال للمهندس سمير عياد ؟
 

على فكره

حرامية السيارات

معظمهم متخصصين فى فنيات السيارت

تلاقى حرامى الشاهين حافظ حوض الشاهين

وحرامى الدايو نفس القصه

عاملين زى الجراحين المهره

عارف هو حيحط المشرط فين

جراحه بالمنظار يعنى

_________________

وأسمع الحدوته دى وحصلت بالفعل فى المنطقه التى أسكن بها

ثلاثه من ملاك الشاهين

بيركنوا عربياتهم تحت العماره

صحيوا الصبح بيدورا عربياتهم علشان بيروحوا بيها شغلهم ......مدارتش

فتحوا الكبوت

ملقوش البوبينا

راحوا بعد مارجعوا من الشغل

يشتروا بوبينات لعربياتهم

واحد منهم أشترى بوبينا كانت موجوده فى عربيه من التلاته

ويمكن يكونوا راحوا أشتروا التلاته إللى أنسرقوا

حاجه تكسف الصراحه

رد: سوال للمهندس سمير عياد ؟
 

ازيك يا بشمهندس سمير .....انا سعيد جدا ان انا لقيت حضرتك هنا فى المنتدى ده

انا كنت قريت كتير من مشاراكات حضرتك فى منتدى اخر ........وعرفت ان حضرتك

تركته ..........ولكن اكيد هما الخسرانين ...........حمدالله على سلامتك يا باشاhttp://www.masrmotors.com/vb/images/..._19%5B1%5D.gif

رد: سوال للمهندس سمير عياد ؟
 

الله يخليك يا أخى

ومنور مصر موتورز