الاختيار صعب جدا ارجو من اهل الخير المساعدة فى الاختيار كيا كارينز
 

السلام عليكم ورحمة الله وبركاته
الاستشارة لوجه الله سبحانة وتعالى الرجاء من كل اخ عنده كيا كارينز او يعرف اخبار عن هذه السيارة ماهى الموصفات والعيوب فى هذه السيارة و ماهو الفرق بين الوكيل والخليجى السعودى -والخليجى الشرق اوسطى واحسن مكان ممكن الواحد يشترى منه يكون مضمون ورخيص لان الاسعار من مكان لمكان يكون فى فرق من 1000 الو 2500 واحسن شركة للضمان الخليجى لان الواحد خايف من الفتيس بعد مده اواى شىء تانى يحتاج تغير لعيوب صناعة مثلا انا محتاج سيارة كبيرة لظروف مرض ابنتى لانها قعيده واحتاج لوضع الكرسى الخاص بها وبعض الاشياء الاخرى الخاصة بها معى دايو لانس ولكنها صغيرة على الوضع الخاص بى وخصوصا اثنا السفر
وبصراحة الثمن بتاعها مش شواية انا شفت الخليجى وعجا بتنى اوى بس خايف ونفسى اجبها وتكون سيارة العمر
وفى النهاية الخيرة فى ما اختاره الله

ولكم كل الشكر على الرد والمساعدة فى الاختيار

رد: الاختيار صعب جدا ارجو من اهل الخير المساعدة فى الاختيار كيا كارينز
 

السلام عليكم.. راي ان كارينز عربية حلوة ووسعة من جوة ولية صديق جايبها وسعرها جميل ...بس في ناس بتشتكي من العفشة واللة اعلم...

رد: الاختيار صعب جدا ارجو من اهل الخير المساعدة فى الاختيار كيا كارينز
 

وعليكم السلام ورحمة الله وبركاتة شكرا على الرد بس ناس بتقول عفشة الخليجى احسن من مواصفات الوكيل والله اعلم

رد: الاختيار صعب جدا ارجو من اهل الخير المساعدة فى الاختيار كيا كارينز
 

شوف يا باشا انا معايا ماتركس بس صديق عمري لسة جايب العربية من 8 شهور
وجبها من الوكيل وفئة highline يعني كاملة من كلة ودفع 125 الف
ولفينا علي الخليجي قبل ما نشتري ملقناش فرق كبير قوي في الأوبشن عن الوكيل
الكارنز عربية عائلية واسعة من جوه وعفشتها في الأول نشفة شوية وبعدين بتنعم
انا سقتها العربية حلوة علي الطريق توكل علي الله وربنا ييسر لك الأختيار الصحيح

رد: الاختيار صعب جدا ارجو من اهل الخير المساعدة فى الاختيار كيا كارينز
 

ROSE4Uشكرا استاذ بدر على فكرة اليوم ذهبت لمعرض بتاع واحد اخوه زاميل لى فى العمل ونصحنى بالسيارة الوكيل الهاى لاين لان الفرق مش كتير بين الخليجى والوكيل بس الوكيل له ضمان 5 سنوات او 60000 الف وان شاء اللة هشترى الوكيل