هل عمرة الموتور افضل , ام تسقيط واحد جديد
 

قريت كتير موضوعات عن عمرة المواتير , واصحابها بيفضلوا خيار تاني وهوتسقيط موتور استيراد.
1)هل فعلا هو احسن من تعمير الموتور الاصلي
2) هل العربيه ال 1300 , ينفع معاها موتور 1600؟؟
3) لو عربيه سكودا فليشيا 1300... ايه افضل موتور يتسقطلها , ويتكلف كام

في انتظار الرد من الاعضاء والمتخصصين

رد: هل عمرة الموتور افضل , ام تسقيط واحد جديد
 

متابع باهتمام+11111111111111111

رد: هل عمرة الموتور افضل , ام تسقيط واحد جديد
 

في انتظار الرد من اصحاب الخبرة

رد: هل عمرة الموتور افضل , ام تسقيط واحد جديد
 

هوا الموضوع نسبى وباختلف عليه كثيرا مع اصدقائى
يعنى لو افترضنا ان تكلفة العمرة 2000 جنيه وسعر الموتور استيراد 2000 برضه
مميزات العمرة
لو الميكانيكى كويس والبلوك سليم تبقى افضل من موتور استيراد
قدام عينك وبتشترى قطع الغيار نضيفة ومعاك فرصه تظبط اى حاجة العربية محتاجاها بالمرة
عيوبها
لو الميكانيكى وحش مش هاتبقى كويسة قوى
لو البلوك وحش او الموتور متعمر كتير قبل كده هاتكلف كتير ومش هاتطلع صح

مميزات تسقيط موتور
توفير حوالى 80% من المصنعية
بتنجز نفسك فى يوم واحد
ممكن تجيب موتور كامل بالفتيس والمارش والدينامو (فرقها مش كتيرفى السعر ) وتبقى ريحت دماغك من مشاكل اى حاجة فيهم
الموتور الستاندارد لو حالته ممتازه يبقى افضل من العمرة لان عمرك ما هتلاقى كل قطع الغيار اصلية بسهولة
عيوب التسقيط
ممكن تشترى موتور ويطلع انيل من الاولانى حتى لو كشفت عليه فيه حاجات ما تبانش الا على المدى البعيد لذلك لازم تشتريه بضمان
التفاوت الفظيع فى اسعار الاستعمال يعنى ممكن تلاقى واحد بيبيع موتور حالته 70% ب 3500 والتانى بيبيع موتور حالته 90% ب 2500 وده بيرجع لسمعة وامانة التاجر

والناس مذاهب فى الموضوع ده
انا عن نفسى لو الموتور موديل قديم عمرى ما اجيبه استيراد لان اقل حاجة موتور موديل 2000 ولا حاجة مش موتور شغال من 30 سنة
لو العربية من النوع اللى قطع غياره صعبة وغالية زى الهوندا او السوبارو اشتريه استيراد يكون اوفر كتير خصوصا انه ممكن يتجاب جمله
لو العربية موديل حديث نسبيا حوالى 10 سنين ساعتها الحالتين متقاربين والاختيار ليك اهم حاجة ميكانيكى شاطر سواء للعمرة او للكشف على الموتور الاستيراد

رد: هل عمرة الموتور افضل , ام تسقيط واحد جديد