مزايا وعيوب المحرك 1300 cc للسيارة الانسر
 

سؤال يا جماعة
هشتري عربية لانسر 2001 مكوة محركها 1300 cc مانيوال
يا تري هل المحرك ده ضعيف فى السفر لمسافات أو فى حالة الحمولة التقيلة فى العربية
وهل هو موفر بنزين

السؤال الثانى ما هو تقييم سيادتكم للسيارة الانسر 2001 مكوة كاملة مانيوال بحالة فابريكة برة ودواخل وبسعر 63 ألف جنيه 1300 cc
ارجو الافادة
ولا أجيب جديد وخلاص ( فيرنا )

رد: مزايا وعيوب المحرك 1300 cc للسيارة الانسر
 

انا معايا لانسر بطه 93 واسافر بيها وليس مشكلة لكن لا تزيد عن 100 كيلو عشان صحة الماتور
وانا افضلك لانسر 2007 بدل من 2001 بسعر 70 او 75 مانوال وستجد 1600 ابحث المبلغ اللي معاك يجيبلك عربيه نضيفه وانا لو مكانك اجيب زيرو حتي لو فيرنا واحافظ عليها او لانسر حديث مستعمل من 2007 وانت طالع وموضوع اللانسر المكواه اللي ب2001 وب63 غاليه المتوسط بتاعها بتبقي 50 الف جنيه او 55 يوم ماتبقي حالة كويسة لكن فوق كده اعتقد غاليه جدا والله اعلم

رد: مزايا وعيوب المحرك 1300 cc للسيارة الانسر
 

لانسر مكواة فى الستينات = مستحيل

العربية فى منتصف الخمسينات يابرنس

ممكن تجيب فيرنا زيرو وتجيبها كاملة بزيادة المبلغ 6 الاف جنيه فقط : جميع الكماليات :

او تجيب سبرانزا آيه 516 ب60 الف جنيه

وارشحلك الفيرنا طبعاً

رد: مزايا وعيوب المحرك 1300 cc للسيارة الانسر
 

عبدالله منصور اللى يسمعك يفتكر إن فعلا فيه مكوه بالأسعار دى ولو فيه بتبقى ب55 وزبالة الزبالة وبعدين إزاى الكرستالة ب 50 والمكوه ب 55 حرام عليك ده فرق عفشة وماتور وشكل داخلى وداخلى ده دى عربية ودى عربية والصراحة أنا شايف المكوه احسن من الفرنا والحمد لله المكوه بشوفها ماشية فى الشارع أسد والفيرنا عمالة تكركر دى أسعار عربيات مكوه أتعرضت عليا

لانسر 2001 إتوماتيك كاملة رشة بره 65,000
لانسر 2003 إتوماتيك كاملة فابريقة بره وجوه 68,000
لانسر 2001 إتوماتيك خليجى كاملة إتوماتيك 2 airbag وفرامل abs ,تابلوه خشب بنى وفابريقة بره وجوه عداد 90 ألف وكان المعرض طالب 72,000
طبعا دول شوية حرامية المكوه أساسا سعرها لا يزيد 62 وتكون نظيفة جدا

أنا أقولك على حاجة يا أخى فى حاجات بتبقى لقطة لكن أعرف أن 90%هايضحك عليك
أنا جبت لانسر بومة 2007 إتوماتيك فاضية ولكن بها airbagسعرها جبتها ب65 ولكن وأشدد على ولكن بتاعت واحد معرفة أصلا نائب مدير بنك وكان عايز يجدد عربيته فخدتها منه وهى عداد 113 ألف ولكن والله العظيم وبسم الله ما شاء الله عربية نظيفة جدا فابريقة بره وجوه ماعدا الأكصدامات والعربية فعلا فعلا نظيفة جدا جدا مش عايز أقول لك مريحانى قد أى يارب أسترها معانا بقعد أبوس فيها طول اليوم

رد: مزايا وعيوب المحرك 1300 cc للسيارة الانسر
 

فعلا اسعار المكوة بتبدي من اوائل الستينات و بيتقال عليها لقطة لو كانت في اواخر الخمسينات