تعديل الإطار الخارجى للبايك ( الكاوتش )
 

السلام عليكم
أرجو المساعده لمن لديه معلومات عن تغيير الكاوتش الامامى و الخلفى بمقاسات أعرض
انا المقاس اللى عندى هو
الامامى 110/80-17
الخلفى 140/80-17
محتاج تعريض الكاوتش الخلفى و الخلفى على نفس الجنط
بالنسبه للقطر الدوران اللى هو 80 هل يمكن تعديله
بالنسبه للارتفاع محتاج البايك يكون عالى من الخلف يعنى رقم 17 يكون 18 او اكثر حسب خبرتكم لانه هو وضعيته تورينج
بالنسبه لكود السرعه انا محتاجه يتوافق مع سرعه 300 كيلو متر \ ساعه
الشركه اى شركه تكون منتجاتها محترمه زى دنلوب - بريدجيستون - ميشلان
ملحوظه : انا راسلت شركه دانلوب فى امريكا و بعتوا لى كتالوجات كلها ارقام و لكن التعديل لم يذكر لذلك استعن بالله ثم بيكم فى خبرتكم بهذه الامور
شكرا لمشاركتكم الطيبه

رد: تعديل الإطار الخارجى للبايك ( الكاوتش )
 

بص ياجميل زمان كان صعب انك تعدل كاوتش زي 60/150/ R18 الي 60/150/R18 ده عشان حجم الجنط
دلوقتي بقي حاجه اسمها النقشه
النقشه دي بتعرض الكاوتش من حروفه وبتخليه اعرض شوية وكمان في حاله الضغط بيدي معاك مقاس اعلي تاني ومنظره ورا بيكون كويس
في كاوتش تايواني لسه نازل السوق سعره كويس اوي ماركه اسمها DURO الكاوتش ده جربته واثبت كفاءه معايا في ال Stability بتاع البايك وسعره مش غالي
لكن لو هتشوف حاجه اوريجينال سعرها لل 160 هيعدي ال 1200 للجديد و 750 للاستيراد
مساله السرعه مالهاش دعوه بالكاوتش وده للعلم لكن الكاوتش عامل مساعد علي حسب التجميع بتاعك

رد: تعديل الإطار الخارجى للبايك ( الكاوتش )
 

متشكرين يا هشام باشا و حمد لله على السلامه
طيب انا العرض عندى 140 بس فهل معنى كلامك انى ممكن اعرض الكاوتش الى 160 على نفس الجنط بدون ما اغير الجنط ؟
انا ناوى اجيب ماركه زى دانلوب او بريدج ستون فمعلش انا محتاج تكتبلى الارقام بالظبط
و كمان عاوز اخلى الرقم الخاص بسمك الكاوتش الخلفى اكبر او الامامى يصغر بحيث يكون فى ميول للامام انت عارف طبعا انه موديل سبورتس تورينج فانا عاوز الغى موضوع التورينج و اخليه سبورتس بس
بالنسبه لموضوع السرعه انا كنت اقصد انه يتحمل السرعات العاليه لان كل كاوتش له سرعه معينه اذا تجاوزها بيتفتت و ممكن ينفجر من كتر الضغط الموالد نتيجه الحراره المتولده من الاحتكاك السريع و الاكواد دى موجوده على الكاوتش و انا عندى الكود z يعنى السرعه لا تتجاوز 240 كيلو متر فى الساعه
معلش الموضوع طويل و انا حبيت خبرتك و حمد لله على السلامه

رد: تعديل الإطار الخارجى للبايك ( الكاوتش )
 

بص ياجميل نقشه الكاوتشوك فيها حاجه مهمه اوي بيبقي جوا الكاوتش دعامات كرتون ثقيله وقت التخزين عشان متخليش الكاوتش يعمل كرف لجوا وده لما تيجي تركب الكاوتش بيركب بكل سهوله جدا ولو هو مثلا 140 بيديك 150 لما تكون ظابط المقاس علي 25
وياريت تديني نوع البايك بتاعتك وانا اقولك يتركبلها ايه؟

رد: تعديل الإطار الخارجى للبايك ( الكاوتش )
 

http://www.motorbikes.be/en/Honda_CBR_1000_F_1988.aspx

الامامى
110- 80 - 17
الخلفى
140-80 - 17
كود السرعه v
انا دخلت على موقع بيديك اله حاسبه و بيحسب كل حاجه اتوماتيك بس هو للسيارات بس
http://www.discounttiredirect.com/di...foTireMath.jsp
المطلوب يا هشام باشا شراء ماركه بس بمقاسات جديده يعنى العرض يكون اكبر بالنسبه للامام و الخلف و الارتفاع يكون أعلى بالنسبه للفردتين بحيث ان الامامى اقل ارتفاع من الخلفى
يعنى هل يمكن ان اجد مقاس للامامى عباره عن 130-80-17
و الخلفى عباره عن 160 - 90-17
بص يا هشام الماركه دى محترمه جدا و ده موقعهم و فيه مواصفات الكاوتش الاستاندرد
http://www.avon-tyres.co.uk/motorbik...-h-j-hurricane