يا ترى في شنطة عدة متكاملة
 

نفسي في شنطة تكون فيها عدد مختلفه مفكات ولقم والات تسمح بفك وتركيب اجزاء السيارة وممكن تستخدم في حاجات تانيه بس تكون مجمعه في شنطه واحده بطريقة منظمه متخدش مساحه وتكون حاجه متينه مش صيني تبوظ على طول يا ترى حد عنده فكرة

رد: يا ترى في شنطة عدة متكاملة
 

انا مش ناوي ابقى ميكانيكي بس ساعات الظروف والسفر بيحكم

رد: يا ترى في شنطة عدة متكاملة
 

فكره حلوه وحتساعدك على التعلم

رد: يا ترى في شنطة عدة متكاملة
 

المفروض طبعا يكون مع أى مالك سياره شنطة عده ولو صغيره

تساعده فى وقت الأزمات

تحتوى على

1- طقم مفكات عاده

2- طقم مفكات صليبه

3- طقم مفاتيح بلدى ( جنب بلدى وجنب رنج )

4- طقم رنج محمل ( جانبين )

5- مفتاح بوجيهات

6- مفتاح فلاتر زيت

7- طقم مفتاح آلن

ممكن الواحد يشترى كل نوع لوحده منفصل

ويحطهم فى شنطه جلد ( بلدى )

فى شنطة العربيه لزوم الظروف وغيره

أنا عامل كده الصراحه

رد: يا ترى في شنطة عدة متكاملة
 

انا كمان عامل شنطه مجمعها على ايدى زى البشمهندس سمير واعتقد فى رأى ان كده افضل من انى اروح اجيب شنطة عده كامله واكيد اكيد هيكون فيها حاجات مش هستخدمها فى عربيتى لان فى بعض المفاتيح بتختلف من عربيه للتانيه يعنى انا مثلا كان معايا اللانكيه عادى (مسدس) كنت بستخدمه لما كان عندى ليجانزا ولما جبت اوبل لقيت ان اللانكيه بتاعها نجمه . فالافضل انك تجمعها بنفسك وتجيب المفاتيح والمفكات الاساسيه والباقى حسب ماركه عربيتك