أسبيرانزا 2011a113 جديدة ولا فيرنا 2009 مستعملة
 

تحياتى لجميع الأعضاء الكرام
أنا معايا حوالى 50 ألف ومعروض عليا فيرنا 2009 مستعملة بحالة جيدة فبريكا ومحتار أشتريها ولا أجيب أسبيرانزا 2011موديلa113 جديدة
أرجو من أهل الخبرة أن يفيدونى فى أختيار الأفضل
وهل كفاءة الأسبيرانزا a113 عالية
وهل عيوبها كما نسمع كثيرة أم أنها سيارة جيدة للأستخدام الراقى
وأية أخبارها فى السفر

رد: أسبيرانزا 2011a113 جديدة ولا فيرنا 2009 مستعملة
 

فيررررررررررررررررررررررر رررررررنا طبعا - سيارة مصر الاولى

رد: أسبيرانزا 2011a113 جديدة ولا فيرنا 2009 مستعملة
 

أخى العزيز عبد الرحمن
السلام عليكم
أنت زى ما تكون بتتكلم عنى .. أنا برضه معايا حوالى 44 ألف و محتار اجيب إيه فيرنا مستعملة ولا A113 جديدة بالقسط .. انا بصراحة لفيت كتير على الفيرنا بس أسعارها كانت عالية شوية .. يعنى الحاجات الحلوة أللى شوفتها كانت بتتراوح من 52 لـ 55 .. فطبعا المبلغ ده مش معايا فالبديل المناسب جدا من وجهة نظرى هيا الجميلة A113 عربية كويسة جدا و معظم الآراء أجمعت أنها كويسة و مشاكلها قليلة ... بس لو أنت ربنا وفقك لفيرنا كويسة فأتوكل على الله و صلى إستخارة و أشترى .. أكيد طبعا الكورى أفضل من الصينى

رد: أسبيرانزا 2011a113 جديدة ولا فيرنا 2009 مستعملة
 

بص حضرتك لو الفيرنا بحالة الفابركة و الزيرو و فول اوبشنز توكل على الله و اشتريها ، طبعا لانها عربية سيدان و عائلية و موتورها شديد جدا ، و توكيلها افضل نوعا ما من توكيل اسبرانزا .
لو غير كده يبقى طبعا الاسبرانزا ، العربية معاية 2011 جميلة و ناعمة و مريحة فى القيادة و برده عائلية ( واسعة جدا من جوة ) موتورها شديد و مناسب جدا لحجمها ، و طبعا الزيرو مافيش افضل منه .

رد: أسبيرانزا 2011a113 جديدة ولا فيرنا 2009 مستعملة
 

قتباس:
المشاركة الأصلية كتبت بواسطة abd el rahman
تحياتى لجميع الأعضاء الكرام
أنا معايا حوالى 50 ألف ومعروض عليا فيرنا 2009 مستعملة بحالة جيدة فبريكا ومحتار أشتريها ولا أجيب أسبيرانزا 2011موديلa113 جديدة
أرجو من أهل الخبرة أن يفيدونى فى أختيار الأفضل
وهل كفاءة الأسبيرانزا a113 عالية
وهل عيوبها كما نسمع كثيرة أم أنها سيارة جيدة للأستخدام الراقى
وأية أخبارها فى السفر
الى حضرتك ببتكلم عليه ده هو نفس وضعى بالظبط من شهر و نص و انا الحمد لله اشتريت a113 موديل 2009 ب 38000 و الحمد لله هى بحاله الزيرو عامله 18000 كيلو و العربيه الحمد لله انا مبسوط منها بس لغايه انهارده انا مقدرش اقولك تجيب الفرنا و الا الاسبيرانزا ايه ياترى
عموما الى انا شوفته فى ال 113 انها عربيه حلوه و سحبها كويس و التكييف بتاعها جامد و لا يؤثر على سحب العربيه و الموتور 1300 بصراحه ادائه رائع و قوى و متحسش انها صينى يعنى العربيه ليها شخصيه مستقله و متحسش انها مسروقه من موديل عربيه تانيه و صالون واسع و شكلها جميل لكن يوجد بعض العيوب وهىPOLICEE
1-العربيه عفشتها ناشفه جدا يعنى بتحس بالمطب بيرزع جامد ودى اكتر حاجه مزهقانى فى العربيه و ان كان الناس بتقول ان العفشه ناشفه فى مقابل ان العربيه ثابته على السرعات العاليه وده صحيح انها اثبت من الفرنا بكتير بس انا معظم مشاويرى جوه البلد و طنطا كلها مطبات و اسفلت زى الزفت و بعدين حتى على الطريق السريع لو قابلك حفره أو مطب صغير و كلته بتحس بالعربيه بتترزع كأن المطب هيقسم العربيه نصين ودى حاجه نفسى الاقيلها حل و مش عارف لو غيرت العفشه و جبت مكانها اى حاجه تانيه كورى او يابانى مثلا دا هينفع و يحل المشكله و الا لأ.
2- القماش المستخدم فى تنجيد الكراسى شكله حلو بس خاماته ضعيفه بمعنى انها من عند الخياطه بتتقطع
3- انا اول مره يكون عندى عربيه هاتشباك و طبعا فى فرق كبير بين حجم الشنطه فى العربيات العاديه و العربيات الهاتشباك على الرغم من ان الكنبه ممكن تتنى وتدخل مساحتها مع الشنطه إلا ان ده ينفع فى حاله السفر مش كل ماآجى اشترى شويه حاجات مثلا اقعد اتنى الكنبه و اعمل الفلم ده ( اعزرنى انا كسول شويه )
عموما العربيه كمجمل حلوه بجد و فى حاله انك بتقارن بينها و بين الفرنا زيرو هقولك هاتها
لكن لو لقيت فرنا مستعمله كامله و حالتها زيرو و موديل قريب ففى الحاله دى الفرنا افضل ودى وجهات نظر
وربنا يوفقك و تشترى عربيه كوسيه وربنا يباركلك فيها انشاء الله