مصر موتورز مجتمع السيارات - هل من الممكن تنظيف الرادياتير من الداخل ؟

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - هل من الممكن تنظيف الرادياتير من الداخل ؟ (https://www.masrmotors.com/vb/showthread.php?t=40234)

هل من الممكن تنظيف الرادياتير من الداخل ؟

السلام عليكم ورحمة الله وبركاتة
أنا عايز أعرف مبدئيا هل الرادياتير هو المكان الذي نضع فيه الماء لتبريد الموتور ؟

الحاجة التانية ازاي الواحد ينظف الرادياتير ولا الموضوع مش مستاهل ؟

رد: هل من الممكن تنظيف الرادياتير من الداخل ؟

أيوة يا سيدى هو المكان اللى بنحط فية المياة علشان نبرد الموتور. أفتح الغطاء ولو لقيت المياة فيها صدأ يبقى الموضوع مستاهل ولازم تنضف الرادياتير وطالما حضرتك جديد فى موضوع العربيات يستحسن أن اللى ينضفة بتاع رادياتيرات. وأنت رايحلة فى السكة عدى على محطة بنزين وأشترى جركن 4-5 لترمياة ملونة للرادياتير حمراء أو خضراء ويفضل الحمراء من موبيل وخلى الراجل يحطها بعد ما ينضف الرادياتير ودورة المياة وكويس ويتأكد ان مافيش تسريب.

رد: هل من الممكن تنظيف الرادياتير من الداخل ؟

اقتباس:

المشاركة الأصلية كتبت بواسطة Bahi (المشاركة 290851)

وأشترى جركن 4-5 لترمياة ملونة للرادياتير حمراء أو خضراء ويفضل الحمراء من موبيل وخلى الراجل يحطها بعد ما ينضف الرادياتير ودورة المياة وكويس ويتأكد ان مافيش تسريب.

هو إيه الفرق بخصوص الحمراء أو الخضراء ؟؟ أنا بسأل كتير بس أنا بحب اوصل للمعلومة بالتفصيل الممل
وعموما شكرا على ردودك في مواضيعى

رد: هل من الممكن تنظيف الرادياتير من الداخل ؟

حتلاقى مواضيع شارحة النقطة دى أفضل من أنى أشرحهالك:

اقتباس:

المشاركة الأصلية كتبت بواسطة atgps (المشاركة 287436)

بالطبع مفيدة ويجب استعمالها، والغرض من استخدامها هو كمانع للتجمد فى البلاد الباردة وكمانع للصدأ ومساعد للتبريد كوسيط سريع لنقل الحرارة
والألوان الأساسية فى مياة الرادياتير هى الأخضر والأحمر
ولكن هناك ألوان أخرى مثل الأزرق والأصفر والبرتقالى
نرجع للألوان الأساسية وهى الأخضر والأحمر
اللون الأخضر المادة الأساسية فيه هى Ethylene glycol أو EG مادة سامة جدا سواء للبشر أو الحيوانات ولذلك يجب الحذر عن تغييرها.
أما اللون الأحمر فهى المادة الأساسية فيها هى Propylene glycol أو PE وهى مادة غير سامة وآمنة جدا وقادرة على العمل مدة أطول بدون أن تفقد خواصها.
نرجع مرة آخرى الى الألوان الآخرى فهى مبنية على Ethylene glycol أو Propylene glycol أيضا مع اضافة مواد آخرى خاصة بالشركة المنتجة.
فرجاء مراجعة كتالوج السيارة لمعرفة أى لون يستخدم

رد: هل من الممكن تنظيف الرادياتير من الداخل ؟

اقتباس:

المشاركة الأصلية كتبت بواسطة Bahi (المشاركة 290877)

حتلاقى مواضيع شارحة النقطة دى أفضل من أنى أشرحهالك:

شكرا ليك يا اكسلانس على سعه صدرك معايا yesyes