مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- تعديل السيارات العــام (https://www.masrmotors.com/vb/forumdisplay.php?f=5)

- - أنا مش فاهم ؟؟ (https://www.masrmotors.com/vb/showthread.php?t=40161)

أنا مش فاهم ؟؟

ممكن حد يفهمني إيه الفرق بين التشميع وازالة الخدوش ولا الاتنين واحد ؟؟
يعني ازالة الخدوش هي نفسها التشميع ؟
ازالة الخدوش بالبوليش ام الواكس ؟
التشميع بالبوليش ام الواكس ؟
أصل أنا شايف المنتجات كلها شبه بعض والكلام شبه بعض
يا ريت حد يفهمني واحدة واحدة عشان المواضيع دخلت في بعض وقريت موضوعين مثبتين بخصوص التشميع وازالة الخدوش وحاسس إني متلخبط جااااااااااامد ؟
YAKHBR

رد: أنا مش فاهم ؟؟

بص ياباشا, أزالة الخدوش هى عملية أصلاحية بيدخل فيها عدة مكونات, الخدوش لازم تعرف مبدأيا أنها مش هتتشال, حضرتك بتحاول تخفيها فقط وتلونها بلون الدهان وتخليها غير ملحوظة قد ماتقدر, وأحيانا الطريقة بتنجح نجاح باهر مع ناس, وبتخيب مع ناس تانية,

البوليش زى ما أسمه بيقول هو ورنيش, مكون أبيض بيتوزع على العربية وبتتددعك بيه كويس جدا, وخاصة على أماكن الخدوش, وبيساعد على اخفائها وتلوينها بلون العربية.

أما الواكس فهو شمع, بتتدعك بيه العربية بعد ماتخلص البوليش, علشان يديها لمعة كويسة, ويساعد على أخفاء الخدوش أكثر, ويحمى الدهان بعد كده.

البوليش أشهر نوع ليه أسمه ميدو, وده العلبة ب 4 جنيه ولونه أبيض وموجود عند محلات الحدائد بكثرة.

الواكس ليه أنواع كتير وأسعار مختلفة, وفيه اللى بيدعى أنه بيزيل الخدوش واللى ملون بلون العربية, واللى بيحمى الدهان بعد كده, واللى بيدى العربية لمعة بتقعد شهور, كل نوع وليه مميزات, بس أنا ماليش فى سوق الواكس.

الموضوع ممكن حضرتك تعمله بنفسك زى المواضيع المثبتة, بس نصيحة منى بلاش, هتتعب لدرجة أنك مش هتقدر تقف ولا تتحرك اليوم اللى بعده, وهياخد الموضوع قرب اليوم كاملا.

وأنا ليه تجربة سيئة مع البوليش أنتهت بالبهدلة وبغسيل العربية فى البنزينة لأزالة البوليش من عليها :)

فحضرتك ممكن تاخد المستلزمات لسمكرى عنده صاروخ للتلميع (اللى عليه قماشة وبيلف بسرعة) وهو هيخلصها فى نص ساعة وهيخليها عروسة, وفيه بنزينات برضه فيها المكنة دى, وتبقى ريحت دماغك وخليت العربية بتلمع.

رد: أنا مش فاهم ؟؟

الله ينور على الرد الوافى يا انجكشن بك بس أنا مش معاك فى موضوع أنة ميعملوش بنفسة ... أنا بلمع عربيتى بالواكس بنفسى كل شهر تقريبا وبلاقى العملية ممتعة جدا لدرجة أن بناتى الثلاثة بيفضلوا يلفوا حولى عايزين يلعبوا اللعبة بتاعتى. طبعا اللى بيفضل متغاظ طول الساعة اللى بلمع فيها هو مراتى لأنى بعملها يوم الجمعة بعد الصلاة وبتبأة عايزانى أخلص علشان نخرج.

رد: أنا مش فاهم ؟؟

اقتباس:

المشاركة الأصلية كتبت بواسطة Injection (المشاركة 290816)

بص ياباشا, أزالة الخدوش هى عملية أصلاحية بيدخل فيها عدة مكونات, الخدوش لازم تعرف مبدأيا أنها مش هتتشال, حضرتك بتحاول تخفيها فقط وتلونها بلون الدهان وتخليها غير ملحوظة قد ماتقدر, وأحيانا الطريقة بتنجح نجاح باهر مع ناس, وبتخيب مع ناس تانية,

البوليش زى ما أسمه بيقول هو ورنيش, مكون أبيض بيتوزع على العربية وبتتددعك بيه كويس جدا, وخاصة على أماكن الخدوش, وبيساعد على اخفائها وتلوينها بلون العربية.

أما الواكس فهو شمع, بتتدعك بيه العربية بعد ماتخلص البوليش, علشان يديها لمعة كويسة, ويساعد على أخفاء الخدوش أكثر, ويحمى الدهان بعد كده.

البوليش أشهر نوع ليه أسمه ميدو, وده العلبة ب 4 جنيه ولونه أبيض وموجود عند محلات الحدائد بكثرة.

الواكس ليه أنواع كتير وأسعار مختلفة, وفيه اللى بيدعى أنه بيزيل الخدوش واللى ملون بلون العربية, واللى بيحمى الدهان بعد كده, واللى بيدى العربية لمعة بتقعد شهور, كل نوع وليه مميزات, بس أنا ماليش فى سوق الواكس.

الموضوع ممكن حضرتك تعمله بنفسك زى المواضيع المثبتة, بس نصيحة منى بلاش, هتتعب لدرجة أنك مش هتقدر تقف ولا تتحرك اليوم اللى بعده, وهياخد الموضوع قرب اليوم كاملا.

وأنا ليه تجربة سيئة مع البوليش أنتهت بالبهدلة وبغسيل العربية فى البنزينة لأزالة البوليش من عليها :)

فحضرتك ممكن تاخد المستلزمات لسمكرى عنده صاروخ للتلميع (اللى عليه قماشة وبيلف بسرعة) وهو هيخلصها فى نص ساعة وهيخليها عروسة, وفيه بنزينات برضه فيها المكنة دى, وتبقى ريحت دماغك وخليت العربية بتلمع.

جميل جدا الردود الموضوعة تمام كده أنا فهمت ان البوليش لازالة الخدوش والواكس لتشميع أو اعطاء اللمعة .. بونو بونو بونو yesyes
ألف شكر على الردود

رد: أنا مش فاهم ؟؟

اقتباس:

المشاركة الأصلية كتبت بواسطة Bahi (المشاركة 290834)

الله ينور على الرد الوافى يا انجكشن بك بس أنا مش معاك فى موضوع أنة ميعملوش بنفسة ... أنا بلمع عربيتى بالواكس بنفسى كل شهر تقريبا وبلاقى العملية ممتعة جدا لدرجة أن بناتى الثلاثة بيفضلوا يلفوا حولى عايزين يلعبوا اللعبة بتاعتى. طبعا اللى بيفضل متغاظ طول الساعة اللى بلمع فيها هو مراتى لأنى بعملها يوم الجمعة بعد الصلاة وبتبأة عايزانى أخلص علشان نخرج.

ربنا يخليك ياباشا, أنا برضه بحب أعمل الحاجة بنفسى لدرجة التخريب:), يعنى مثلا مرة ضربت فى دماغى أروح أجيب بوليش وأعمل بيه العربية, رحت جبت العلبة وفوطة نضيفة, وغسلت العربية وبدأت الشغل, البوليش عمل تأثير ملحوظ بس كان بينشف بسرعة, قلت لما أخلص أبقى أغسله, وبعد ساعتين من الدعك والتلميع لما دراعى ورم, جاى أغسل البوليش, مابيطلعش بالمييييييييييييياه, وكنت هتجنن, وفى النهاية جررت أذيال الخيبة ورحت للبنزينة, والراجل بقه بقى مفتوح ولسانه مدلدل من منظر العربية, وبعد نص ساعة من الغسيل بالماء والصابون وحتى الجاز:) البوليش طلع:).

وكمان السمكرى أو البنزينة المكنة بتاعتهم بتخلص هوا, ومش هياخد فلوس كتير كتير.

اقتباس:

جميل جدا الردود الموضوعة تمام كده أنا فهمت ان البوليش لازالة الخدوش والواكس لتشميع أو اعطاء اللمعة .. بونو بونو بونو http://www.masrmotors.com/vb/images/..._11%5B1%5D.gif
ألف شكر على الردود

المهم أنك تكون أستفدت ياباشاROSE4U