|
لغز جديد من ألغاز أوكتافيا a5 و يا ريت حد يساعدني
أنا معايا أوكتافيا a5 موديل 2007 وفجأه أول أمبارح لقيت الباور فصل و بقى الدريكسيون زي الجبل و الميكانيكي قالي عايزة إسكاترا كاملة و إمبارح ماشي بيها و فجأه ألاقي الغيار فصل و أدوس بنزين مفيش ولا الهوا الموتور ينعر و متمشيش كأني ممورها أو مديها N جربت المارشيدير أو R بردو ولا الهوا روحت جايبها على ال P عشان أنزل أشوف مالها لقيتها راحت مطلعة صوت غريب كده شبه التكتكة بسرعة ورا بعضها أتصلت بالميكانيكي جالي و قالي كده تقريبا جابت فتيس يا حلو كأنه شمتان فيا ...... ما علينا .... بس عايز أعرف المشاكل دي سببها ايه مع ملاحظة أن الباور عندي كهرباء يعني ملوش زيت و سير و كده و أن أنا بقالي 3 شهور مبحرقش عليها و لا بزود عن 100 كم ...... معلش طولت عليكما بس يا ريت حد يرد عليا بسرعة عشان أنا العيد ده عدى عليا و أنا بلف على الميكانيكية و حد هيسألني موديتهاش التوكيل ليه هقول اولا عربيتي خليجي و ثانيا أنا من القاهرة و دلوقتي أنا في أسكندرية ........ و كل سنة و أنتوا طيبيييييييييييييين .......
|
رد: لغز جديد من ألغاز أوكتافيا a5 و يا ريت حد يساعدني
بالنسبة للدركسيون، هل كشفت على الفيوزات؟
من الأفضل أن تكشف على السيارة بسكانر لمعرفة الأسباب الحقيقية فميتهيألى ان الموضوعين لهم علاقة ببعض. |
رد: لغز جديد من ألغاز أوكتافيا a5 و يا ريت حد يساعدني
كشفت على الفيوزات كلها و عملت شيك على كمبيوتر العربية كله بالجهاز اللي هوا كارمان سكان ده و معملش حاجة
|
رد: لغز جديد من ألغاز أوكتافيا a5 و يا ريت حد يساعدني
اقتباس:
|
رد: لغز جديد من ألغاز أوكتافيا a5 و يا ريت حد يساعدني
زي ايمن باشا ما بيقول
لازم تحطها علي سكانر الباور كهربا و لو فيه عيب مش حيبقي في خزنه الدركسيون(الاسكاترا) حيبقي من حساسات الباور بنسبه كبيره او فيوزات و موضوع الفتيس دا برضه في كذا شك يا تري العربيه عامله كام كيلو و بتغير زيت الفتيس ولا لاء؟ لان الزيت بيتغير كل 40 الف كيلو مش بيتزود يعني لو ماشي عليه 100 الف من غير تغيير ممكن نقول الزيت فعلا هو سبب في حرق الفتيس |
| الساعة الآن 02:41 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017