استفسار من سكان القاهره بالموقع
 

يا جماعه انا عندي عربيه 128 وعايز اعملها ديكون وسمركه فياريت اللي يعرف حد كويس يقول عليه ويوقل سعره كام وكل اللي عنده فكره لتظبيط العربيه ياريت يقولها وشكرا

رد: استفسار من سكان القاهره بالموقع
 

السلام عليكم ورحمة الله
اخى الكريم كل عام وانت طيب لو بتتكلم على المصنعيات هى عملية نسبية ما فيش سعر ثابت وعلى حسب الشغل اللى فى العربية وعلى حسب طلباتك انت
فى عربية 128 بتترش بـ 500 جنية وعربية 128 بتترش بـ 2000 جنية وشوفت الاتنين
السمكرة على حسب الشغل اللى هاتعملة بس انا ممكن اقدر اؤلك اسعار الصاج كام
سدر ادمانى بـ 150 جنية خامة جيدة
قنطرة امامية 50 جنية خامة جيدة
جوز ركب 40 جنية
جوز رفارف 240 جنية
دة تقريبا كل الصاج اللى فى الحوض اللى ممكن يكون عاوز تغيير
نسيت الاماكن
عندك الحرفيين طبعا
او عين شمس كلها ورش وكباين فرن