|
لوجان ولا فيرنا
السلام عليكم اولاً ديه أول مشاركه ليا فى المنتدى و حبيت اعرف رأيكو فيرنا ولا لوجان انا ركبت العربيتين وليا ملاحظات على الاتنين بس مش لدرجه انى اكره واحده فيهم موضوع ان الفيرنا واطيه مخلينى خايف من المطبات و موضوع ان مرايه اللوجان ب 1100 مخوفنى منها بطريقه متتخيلوهاش و سعر اعاده البيع مظهرش لسه للوجان بس انا متفائل يا ريت كل واحد يقولى رايه الموضوعى من غير ميطلع القطط الفطسانه فى العربيه اللى مش عجباه عشان الاتنين مش مرسيدس و سؤال تانى لو معايا 55 الف اجيب زيرو و اقسط الباقى ولا اجيب كسر زيرو و خلاص ؟؟ انا شايف ان كسر الزيرو هيبقى احسن بكتير لانى مش هقف ارخص العربيه و هبقى ضامن انها مشيت و مش هيحصل معاها اللى بيحصل لعربيات الايام ديه اللى تطلع من الاجانس على مركز الصيانه عدل و فرق السعر بردو لصالح فرق الزيرو قولولى رايكو و شكراً ليكو |
رد: لوجان ولا فيرنا
اقتباس:
لوجان طبعاً وموضوع المراية ده كان زمان الأسعار دي أنا حقيقي مش عارف سعرها حالاً بس هو اكيد نزل كتير وهتأكد وأقولك بأذن الله أما عن الفيرنا والله هيا عربية مش وحشة سوقتها أكتر من مرة قبل كده بس صدقني الفارق شاسع لصالح اللوجان مع أحترامي الكامل للفيرنا كسيارة أطيب تحية ROSE4U |
رد: لوجان ولا فيرنا
اقتباس:
وبالنسبه لسعر المرايه فهو لسه زى مهوا فى التوكيل 1100 + الضريبه + المصنعيه اما لو تقصد من برا التوكيل فواحد زميلى نزل سأل فى محلات ملاقهاش غير فى سان جورج و مش كهربا و ب 200 جنيه للعلم مرايه الفيرنا = 50 جنيها فقط لاغير و حقيقى الفرق فى الامكانيات لصالح اللوجان اللى بحبها شخصيا لكنه مش شاسع و حضرتك ممكن دلوقتى ب 3 سنين لوجان تقولى هى لسه كويسه ولا لا ؟؟ كل المواضيع كانت معموله من فتره طويله تهيالى دلوقتى العربيه اخدت نفسها و فيه ناس كتير جابتها و على فكره الميكانيكى بتاعى بيقولى اوعى اللوجان غالبا عشان لما اجيبها هيتقطع عيشه عشان مفيش ميكانيكيه كتير بيعرفو يصلحوها |
رد: لوجان ولا فيرنا
اقتباس:
اللوجان والحمد لله أثبتت وجودها جداً في السوق خلال 3 سنوات فقط ولابد من ملاحظة هامة جداً بالنسبة لأسعار قطع الغيار ألا وهي أن قطع غيار اللوجان أصلية أي معمرة بعكس الفيرنا واللانوس التقليد التي لا تعيش طويلاً ولو حسبتها صح هتلاقي أن قطعة الغيار المعمرة حتى وأن كانت غالية بعض الشيئ فهي بالتأكيد أوفر من التقليد التي لا تعيش ربع عمرها أطيب تحية ROSE4U |
رد: لوجان ولا فيرنا
اقتباس:
انا معنديش اى اعتراض على اسعار قطع الغيار الخاصه بالموتور و ميكانيكا السياره لكن المرايه مش هتؤثر اوى فى الميكانيكا بتاعه العربيه و كذلك بالنسبه للفوانيس الخلفيه والاماميه مش شايف انى ممكن ادفع فرق 1000 فى الميه فى حاجه بنفس الشكل عشان واحده فيهم اصلى و لو جبت الفيرنا هجيبلاها قطع غيارها الاصلى لكن هجيب المرايه ام 50 جنيه ممكن اسال حضرتك ايه رايك فى موضوع الكسر الزيرو و القسط للزيرو ؟؟ |
| الساعة الآن 06:44 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017