مصر موتورز مجتمع السيارات - يا جماعه محتاج مساعده

مصر موتورز مجتمع السيارات (https://www.masrmotors.com/vb/index.php)

- مصر بايكرز (https://www.masrmotors.com/vb/forumdisplay.php?f=146)

- - يا جماعه محتاج مساعده (https://www.masrmotors.com/vb/showthread.php?t=39595)

يا جماعه محتاج مساعده

السلام عليكم
دلوقتي انا فكرت اجيب ريس عشان انا تحركاتي كتيير و امكانياتي متسمحش اني اجيب عربيه فمحتاج اسئل الناس الفاهمه شوية حاجات

1- الريس ينفع في مشاوير طويله (تقريباً سفر "من القاهره للعاشر من رمضان المسافه تقريباً 55 Km ) يعني مش هيتبهدل و الاقي اني محتاج كل فتره اعمله صيانه

2- في ناس قلتلي ان ال cbr 250 مناسب علي اساس ان المستعمل منه ممكن الاقي في حدود 10000 و دي فعلا امكانياتي بس للأسف انا مفهمش فيهم فأكيد مش هقدر انزل اشتريه بنفسي + لو جديد انا سمعت برضه ان اقل حاجه بتنزل جديد دلوقتي 600

يا ريت حد يكون عنده خلفية كويسه عن الموضوع و يقدر يفدني

رد: يا جماعه محتاج مساعده

المشوار للعاشر مش طويل, ده فى ناس بتسافر أسكندرية بالريس وترجع, وبتطلع كروزات تلف مصر كلها.

الريس لو حالته كويسة مش هيتعبك, ولو أنت اعتنيت بيه هيشيلك ويريحك.

ال 250 صغير أوى فى عالم الريس وأمكانياته مش قد كده, أخره مثلا 170 كم :), أى بايكر هيقولك أستنى شوية وهات 400 عادة أحسن, لكن ال 250 طبعا كويس فى الميزانية وأستهلاكه فى البنزين قليل, ومتهيألى ينفع حضرتك فى السفريات اللى زى دى, وزى اى هوندا قطع غياره متوافرة ورخيصة وتصليحه سهل.

البايك لازم تكشف عليه كويس طبعا, فى موضوع فى القسم أسمه "كيف تفحص بايك مستعمل" هيفيد حضرتك, وبالنسبة للفحص العملى و البايكس المعروضة للبيع أستنى هشام باشا (jackbox) هو هيفيد حضرتك أكثر منى.

البايكس الجديدة هتدمر الميزانية تمام, بتمن البايك الجديد تجيب عربية جديدة :)

رد: يا جماعه محتاج مساعده

الف شكر و احب طبعا اتشرف بأسمك ..... و في انتظار هشام باشا

رد: يا جماعه محتاج مساعده

انا مش هتكلم يا عم هشام وتقولي انت بتعملي بحث.
هههههههههه اديك شايف الاعضاء هم اللي بيدوروا عليك

رد: يا جماعه محتاج مساعده

شكل هشام باشا مش فاضي ... بس اي معلومه هتفيد يا جماعه لأني جديد في عالم البيكس و معرفش اي حاجه و اقل معلومه هتبقي مفيده جداً
بجد اول مره اتابع منتدي و ادخل اشوف مواضيعه .... مجهود كبير جداً بصراحه
ربنا معاكوا انشاء الله