|
دى اول مشاركة ليا فى قسم الصوت وياريت مساعدة!!!
السلام عليكم ورحمة الله وبركاته انا لسه مشترى امبارح امبلبفاير GM 600 صينىى ...... و دا 7 واط * 4 واشتريت 2 سماعة صينى 10 وات ......... وركبتهم مع السماعتين الاصلين للعربية. دلوقتى الجى ام دا فى راديو اف ام وشغال تمام ... وفى سوكت USB وسوكت SD وفى mp3 input. وفى حاجة اسمها AUX موجودة فى الـ Mode بتاع الجى ام .... دى بتشتغل ازاى وايه هيا اصلا ؟ والمشكلة ان لما ادوس mode مش عايز يجيب ال USB مع انى مركب فلاشة 8 جيجا وعليها حاجات MP3 . مع العلم ان الفلاشة بتنور وتسخن يعنى فى نقل فى الداتا .... فياريت اعرف ازاى اشغل ال USB انا معنديش كاسيت هو الجى ام دا واربع سماعات ............... فهل ممكن يشتغل الجى ام لواحدو ؟ ارجوكم لوحد يعرف اى معلومة يقدر يفيدنى بيها !!! |
رد: دى اول مشاركة ليا فى قسم الصوت وياريت مساعدة!!!
بص ياباشا, مبدأيا أنت عملت غلطة, ده جهاز عجيب لاعلاقة له بأى بطاطا, عامل زى التليفون الصينى اللى فيه تلفزيون وراديو ومهبط طائرات, وأنا غلطت الغلطة دى زماااااان, الواحد مابيتعلمش ببلاش.
كنت جبت كاسيت رودستار ولا حاجة رخيصة, وmp3 car وكان هيبقى أحسن من البتاع ده 100 مرة. عموما, ال aux دى أختصار ل auxiliary ده مدخل فى الجهاز عامل زى مدخل السماعة فى الكمبيوتر, عارف وصلة السماعة العادية, بتركب عليه. لكن ليه وظيفة مختلفة, لو معاك mp3 أو mp4 أو أى حاجة بيركب عليها سماعة ينفع تروح تشترى وصلة audio زى دى http://www.wiredco.com/images/6FT35MMMA2.jpg وبتركب طرف فى الجى أم وطرف فى ال Mp3 وتشغل الأغانى على ال mp3 والجى أم يشغلها. تانى حاجة, مش معنى أن جهاز معين بيقرأ فلاشة أنه بيقرأ كل أحجام الفلاشات, الفلاشة ال8 جيجا أحتمال كبير الجهاز مايكونش قاريها علشان سعتها كبيرة, جرب عليه حاجة حنينة, 1 أو 2 جيجا, وأتأكد أنك فعلا حاطط ملفات بصيغة mp3 على الفلاسة مش صيغة صوتية تانية. وطبعا رأيى ممكن يكون غلط, فأنصحك تروح للى جبت الجهاز منها وتقوله علشان أحتمال (وأحتمال كبير كمان) يكون عيب فى الجهاز نفسه. ونصيحة من أخوك الصغير, الجهاز ده هيطلع عينك لأنه طلع عينى, ومكوناته رديئة جدا وممكن يبوظ منك فى أى لحظة, رجعه وهاتلك كاسيت راديو وموديولتور (mp3 car) أحسن وأنضف وشغل اللى يعجبك, وأسعار الكاسيتات رخيصة جدااااا. وبرضه معلومة تانية مش بقفلها فى وشك والله بس أنا أتلسوعت لما ورمت, السماعات الصينى لاتقارن بأى سماعة نضيفة, وصوتها مش نقى و 100% هتلاقيها فجأة بتخروش وتلاقى الرق بتاعها مقطوع. وكل سنة وحضرتك طيب. |
رد: دى اول مشاركة ليا فى قسم الصوت وياريت مساعدة!!!
الف الف شكر ياباشا
اشكرك على سرعة الرد .... هو الكاسيت فى حدود 200 جندى ارجع دا ب 105 جندى واجيبلى كاسيت احسن ؟ |
رد: دى اول مشاركة ليا فى قسم الصوت وياريت مساعدة!!!
ده رأيى, الكاسيت أحسن منه بكتير, وينفع تركب مع الكاسيت موديوليتور تشغل بيه فلاشة وميمورى و اللى أنت عايزه, ده فيه كاسيتات فى العتبة ب 95 جنيه ياراجل وأرخص كمان.
|
| الساعة الآن 08:32 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017