مصر موتورز مجتمع السيارات - حادثة بعربيتى تويوتا...

مصر موتورز مجتمع السيارات (https://www.masrmotors.com/vb/index.php)

- جسم و هيكل السيارة (https://www.masrmotors.com/vb/forumdisplay.php?f=176)

- - حادثة بعربيتى تويوتا... (https://www.masrmotors.com/vb/showthread.php?t=39037)

حادثة بعربيتى تويوتا...

السلام عليكم...انا من أسبوع كدة عملت حادثة شنيعة بالعربية تويوتا أفانزا من ورا والشنطة الجنب الشمال اتطبق لجوة بمسافة والفانوس اتشرخ والزجاج اتكسر فرافيت من ورا عشان واحد سواق ميكروباص حمار جاى مندفع فى اشارة ومخدش باله ان الاشارة واقفة بس الحمد لله انا رحت سمكرتها وركبتلها زجاج جديد من ورا وهى تقريبا رجعت زى الأصل ماعدا بعد التعريجات الخفيييفة بس بعد السمكرة فى حتت فى الباب تحت الزجاج وفى أسفل الشنطة بها صدأ بعد ان أهملت طلائها فهل ممكن أطلى الباب كله من اول وجديد ولا أعمل ايه بخصوص الصدا ده عشان حاسس انه بدأ ينتشر ...وقدر الله وما شاء فعل والحمد لله حت على كدة..أرجو الافادة بسرعة

رد: حادثة بعربيتى تويوتا...

لو حد يعرف ياجماعة ياريت يفيدنى ضروورى...

رد: حادثة بعربيتى تويوتا...

أولا ألف سلامة على حضرتك من الحادثة, ربنا يعوضك خير من اللى حصل.

ثانيا, الصدأ ممكن يتحل بعدة حلول, لو الصدأ فى مكان داخلى مش ملحوظ وحجمه مش كبير, بيتصنفر بورق صنفرة أو بصاروخ وبعدين بيتحط مكانه معجون أو sealer علشان الصدأ ميرجعش وبيتصنفر المعجون تانى علشان الشكل العام ( وممكن يتحط عدة طبقات من المعجون) ومن ثم بيتم دهان المنطقة بنفس لون السيارة, ومبتبانش الا مع التركيز الشديد على المكان ولو أتعملت بحرفنة مش هتبان خالص.

لو الصدأ فى مكان مرئى وواضح, هيتبع نفس الخطوات السابقة, لكن ممكن حضرتك يا أما تركب نص كيلو دهان بنفس لون العربية من الكود بتاع اللون عند أى محل دهانات بالكمبيوتر وتخلى صنايعى كويس يدهن بيه الجزء المصلح وبأذن الله مش هيبان خالص (وخاصة أن العربية لسه مرشوشة واللون ملحقش يغير) أو ترش الباب كاملا حسب الظروف ساعتها.

ولو حضرتك بتحب تشتغل بنفسك ممكن أنت تعمل الموضوع كله من عند محل حدايد وتدهن بنفسك لو الصدأ خفيف وغير واضح لكن غير كده يستحسن عند سمكرى أحسن.

وبأذن الله ترجع جديدة.

رد: حادثة بعربيتى تويوتا...

ألف شكر على رد حضرتك ياباشا وهاحاول أعمل الكلام ده باذن الله...