بخصوص قرب نزول الشكل الجديد من الجيتا
 

سلام عليكم
يا جماعة انا بعد لف كتير علي انواع مختلفة قررت اني اشتري جيتا
وقدامي واحدة حلوة اوي خليجي اعلي فئة تقريبا توب لاين فيها كل حاجة حتي السخانات وكراسي الجلد ب 160 الف قابلة للفصال
وكنت قريت هنا في المنتدي وسمعت اشاعات ان الشكل الجديد خلاص هينزل وان الوكيل في مصر بيعمل تصفيات وكمان هو اليومين دول عمال ينزل عنها اعلانات في الجرايد
و سمعت ان سعرها هيكون ارخص من الحالية خصوصا بعد خفض الجمارك؟
فرايكم اية استني ولا اشتري وخلاص وخصوصا ان المبلغ مش قليل<!-- google_ad_section_end -->

رد: بخصوص قرب نزول الشكل الجديد من الجيتا
 

اية يا جماعة مافيش رد ولا اية؟

رد: بخصوص قرب نزول الشكل الجديد من الجيتا
 

الاعلانات عن الشكل الجديد نزلت فعلا يا باشا بقالها فترة
بس مفيش حد يعرف هينزل رسمى امتى بالظبط
بس شوف انت لو تقدر تستنى شوية على العربية .. يبقى استنى احسن
لو مش هاينفع تستنى يبقى اشترى و اتوكل على الله و انت كدة كدة راكب المانى يعنى الشكل عمره ما كان مشكلته

رد: بخصوص قرب نزول الشكل الجديد من الجيتا
 

شكرا ليك
انا اتصلت بالوكيل وقالي في خلال النصف الثاني من السنة الجاية وهم لسة معندهمش اي معلومات عنها زي السعر هيبقي كام والمحركات نظامها اية؟
فاية رايك يا باشا

رد: بخصوص قرب نزول الشكل الجديد من الجيتا
 

ما انها قلت لك يا باشا ,,, لو تقدر تستنى لمدة 10 شهور على الاقل من غير عربية .. او لو انت معاك عربية و عاوز تغير يعنى ,, يبقى طبعا تستنى الشكل الجديد و اعمل حسابك ان فى اول نزوله هيكون اغلى شوية من الشكل الحالى ,,, و ده طبيعى دايما فى الشكل الجديد ,,,, و اكيد المحركات هتنزل بالتكنولجيا الجديدة و و غالبا هيكون فيها ال 1600 و ال 1400 تيربو و طبعا الفتيس DSG

أما لو ممعكش عربية حاليا أو ماينفعش تستنى كل المدة دى اشترى و اتوكل على الله و اكيد التوكيل هيكون عامل عروض على الشكل الحالى أو ممكن تجيب المستعملة اللى انت شفتها بشرط الفحص الدقيييييق .. و اعمل حسابك ان سعرها هينزل شوية حلوين لما الشكل الجديد ينزل برده ....

و اعمل استخارة يا باشا .. و ربنا يهديك للى فيه الخير ان شاء الله