إزاي أنضف فانوس الأوكتافيا من جوا ؟؟؟؟
 

رد: إزاي أنضف فانوس الأوكتافيا من جوا ؟؟؟؟
 

والله يا بدر بك أنا كنت حيران زيك بالظبط من شهرين تلاتة خصوصا ان الكشافات بتاعتى كانت لسة الأصلية بتاعت الخواجة اللى عمل العربية وبعد مناقشات مطولة مع ممدوح الكهربائى -حبيب قلبى- تأكدت أن دة مش تراب ولا قذارة ولكن سنفرة وسمعت أن فى مادة بترجع الفوانيس كريستالة بس ما فيش حد قالى أنة جربها بنفسة وكلهم قالولى أن الفانوس بيبأة شكلة حلو لمدة شهور قليلة وبيرجع تانى أصفر. الخلاصة توكلت على الله وبدأت أسأل على أسعار الجديد ولقيت الأصلى فى حدود 1200 للفردة وأخيرا أستقريت على الديبو التايوانى وأقل سعر لقيتة فى القاهرة -اللى بتقهرنى دايما- هو 275 للفردة وفى الآخر جبتهم من اسكندرية ب240 للفردة ومعاهم فانوس خلفى شمال أسبانى ب140 جنية وركبتهم عند دوحة حبيبى ب20 جنية وزى الفل وبتعمى بالزينون العالى اللى يفكر يقل أدبة معاها فى الصحراوى (عمار يا اسكندرية).

حنروح شارع دمشق أمتى؟ اية رأيك فى بكرة الاثنين ولا التلات أحسن؟

رد: إزاي أنضف فانوس الأوكتافيا من جوا ؟؟؟؟
 

لا أنا مش هجيب فوانيس .. أنا اللي عندي بتاعة الخواجة و لو غيرتها الخواجة هيزعل .. أنا هشوف ايه اللي بيصنفرها أو بينضفها من بره و أعملها و أجرب .. نفعت كان بها .. مانفعتش يبقي يتفلق الخواجة هغيرها و أمري لله ..

شارع دمشق نروحه بعد بكره الثلاثاء .. لأن بكره مرتبط بشوية حجات كدا .. إنتا معاك رقمي كلمني و نظبط مع بعض و نروح بعد بكره لو إنتا فاضي إنشاء الله

رد: إزاي أنضف فانوس الأوكتافيا من جوا ؟؟؟؟
 

كل فوانيس العربيات الجديدة بعد مدة تبقى كدة

رد: إزاي أنضف فانوس الأوكتافيا من جوا ؟؟؟؟
 

هي دي صورة عداد عربيتك الوكتافيا ولا دي كدا و كدا