مصر موتورز مجتمع السيارات - طلب مساعدة عاجلة من المهندس سمير عياد و باقى الاخوة

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

طلب مساعدة عاجلة من المهندس سمير عياد و باقى الاخوة

السلام عليكم و رحمة الله و بركاته
كنت اتناقشت مع المهندس سمير عياد فى موضوع تبطيل عربيتى الليجانزا و كان احد الحاجات اللى فكرنا فيها هى ال EGR و كان المهندس سمير اقترح عليا عمل جوان اعمى لسد ال EGR و حاولت ادور على الكلنجريت و لم اجده عند ناس كتير و كنت النهاردة فاضى فحبيت اعمل تنظيف لبلف الايدل و ال EGR و فعلا فكيت ال EGR و نظفته تمام و بعدين ركبته و قمت بفك الايدل و حبيت اجربه و الفيشة راكبة لاقيت الابرة بتتحرك للداخل مسافة صغيرة جدا لا تتعدى 3 الى 4 مم فقمت بتنظيفه و بعدين ركبت الفيشة تانى و قولت اجرب فجاة لاقيت الابرة الامامية مع السوستة طاروا رحت جايبهم و ركبتهم تانى و جربت لاقيت نفس المسافة الصغيرة اللى بيتحكها البلف فهل الطبيعى ان حركة البلف تكون فى حدود 3 الى 4 مم
و بعدين ركبت البلف و دور لاقيت العربية مش عايزة تدور جبت كهربائى و فك البطارية و حطها على الشحن لمدة ساعة ونص ثم ركبنا البطارية و دورنا العربية و دارت لاكن صوتها كان عالى و استنيت لغاية ما العربية سخنت و برده الصوت عالى و فيه رعشة جامدة رغم ان ال RPM حوالى 850 الى 900 على السلانسية فيا ترى ايه السبب
و نيجى بقى للمشكلة الرئيسية و انا بجرب العربية فجاة برده بطلت و لا كأن اى حاجة اتعملت فيا ترى ايه سبب التبطيل علما ان نفس الاعراض الاخرى موجودة من رائحة عادم سيئة فى بداية التدوير و العربية باردة بالاضافة الى نقص البنزين ايضا فى حدود 2 الى 3 لتر عند بداية الدوارة
ارجو ان اجد فى هذا النتدى الطيب المساعدة لان بجد ما حدش عنده فكرة عن حالة الاحباط اللى انا فيها بسبب العربية ديه الى حيرت الميكانيكية و الكهربائية و العيوب هى هى لمدة خمسة اشهر و اكتر

رد: طلب مساعدة عاجلة من المهندس سمير عياد و باقى الاخوة

اقتباس:

ركبتهم تانى و جربت لاقيت نفس المسافة الصغيرة اللى بيتحكها البلف فهل الطبيعى ان حركة البلف تكون فى حدود 3 الى 4 مم

اقتباس:

و برده الصوت عالى و فيه رعشة جامدة رغم ان ال RPM حوالى 850 الى 900 على السلانسية فيا ترى ايه السبب

طالما سرعة السلانسيه بهذا الشكل الطبيعى

إذا حركة أبرة البلف طبيعيه والمسافه دى هى الطبيعيه لقفل وفتح مسار هواء السلانسيه عبر البوابه

بس المفروض السلانسيه يبدأ من أعلى من كده

نقول من 1300 مثلا مع أول دواره والمكنه لسه بارده

فهل ده سلوك عدد لفات المكنه أول مابدور ومكنتك كانت مجرشه فتره طويله

أى الصبح مثلا

لأننى حقيقة غير متأكد من مقدار مشوار أبرة البلف الخطى

اقتباس:

و نيجى بقى للمشكلة الرئيسية و انا بجرب العربية فجاة برده بطلت و لا كأن اى حاجة اتعملت فيا ترى ايه سبب التبطيل علما ان نفس الاعراض الاخرى موجودة من رائحة عادم سيئة فى بداية التدوير و العربية باردة بالاضافة الى نقص البنزين ايضا فى حدود 2 الى 3 لتر عند بداية الدوارة

ممكن نربط بين الحاله دى وبين أنتظار أجابتك على سرعة بداية الدواره

والسؤال هو

هل بتشوف عدد اللفات فوق ال1000 لفه ولو لمدة دقيقه

وأنت بدور صباحا مثلا

رد: طلب مساعدة عاجلة من المهندس سمير عياد و باقى الاخوة

اقتباس:

فحبيت اعمل تنظيف لبلف الايدل و ال EGR و فعلا فكيت ال EGR و نظفته تمام

طيب بلف الأيدل ومعروف طريقة نظافته

فا أنت نظفت ال egr أزاى

وهو عباره عن رداخ داخل جسم بيضاوى

والمشكله بتكون أساسا فى تعليقة الرداخ ده ...لأنه بيشتغل بخط فاكيوم من بعد البوابه

طبعا الأهم حاليا هو السؤال الأول بتاع بداية سرعة السلانسيه

علشان نقدر نعرف مسافة أبرة بلف الأيدل طبيعيه أم قليله

رد: طلب مساعدة عاجلة من المهندس سمير عياد و باقى الاخوة

نسيت أأقولك

يا أخ : أحمد

لما تعملها معاك تانى ....

وتبص تلاقيها حتبطل معاك مجرد ماترفع رجلك من على دواسة البنزين

أبقى أسند الدواسه سنه برجلك

لو مبطلتش

يبقى بلف الأيدل عندك وحش فعلا وهو سبب مشكلة التبطيل

رد: طلب مساعدة عاجلة من المهندس سمير عياد و باقى الاخوة

اقتباس:

المشاركة الأصلية كتبت بواسطة samirayad (المشاركة 276767)

بالنسبة لعدد اللفات فى بداية الدوارة فهى فعلا بتكون فى حدود 1200 الى 1300 ثم تبداء فى الانخفاض فى خلال دقيقة الى دقيقتين
بالنسبة للتبطيل فى اوقات لو لحقتها بدوسة البنزين ما بتبطلش و ده فى الحالات اللى بلاحظ تذبذب ال rpm و ميلها للتبطيل و فى حالات تانية بالاقى التبطيل سريع و ما بلحقش ادوس بنزين
و دلوقتى يا باشمهندس بعد تنظيف الايدل حاسس ان العربية بقى فيها رعشة جامدة حتى انى فى حاجات فى درج التابلوه بقت بتزن من الرعشة العالية