تسريب بنزين بالفيرنا
 

بالامس شممت رائحة بنزين شديدة, فتحت الكبوت لم أجد شئ غير طبيعى , دورت السيارة وجدت خرطوم البنزين الموجود بصدر السيارة بينقط بنزين كتير , ذهبت ألى ميكانيكى أعرفة قال لى أن الخرطوم دة قطعة واحدة ولايمكن تغييرة وندور على واحد أستيراد أحسن , لفينا على تجار المستورد ولم أجدة المهم ذهبت ألى توكيل هىونداى المعتمد بالسويس ,قالوا لى أنة لايمكن تغيير الخرطوم اللى بينقط ولكن بيتم تغيير قطعة كاملة تشمل خراطيم الداخل والراجع كلها من عند تانك البنزين حتى الموتور وهذة القطعة بالتركيب ثمنها 467 جنية مصري ولخطورة الموقف أضطررت لتغيرها + فلتر بنزىن 44 جنية مصري أى ان التكلفة 511 جنية بالتمام والكامل , صحيح المعاملة بالتوكيل محترمة جدا وهناك المهندس محمد رجل مؤدب ومحترم جدا , ولكن هذة القطعة فعلا مصنوعة بغباء شديد جدا كلها قطع خراطيم مكبوسة ببعضها ولا ىمكن فك أى قطعة منها , يعنى خرطوم يتخرم تضطر تدفع 500 جنية وأنت واقف لأن دة بنزين وحاجة خطر جدا .....عموما حسبي الله ونعم الوكيل , على فكرة السيارة تخص والدى والرجل بالمعاش يعنى العملية مش ناقصة .....هل فى حد مر بهذة التجربة سابقا مع الفيرنا

رد: تسريب بنزين بالفيرنا
 

هو مفيش أى حد حصلت معاة المشكلة دى قبل كدة

رد: تسريب بنزين بالفيرنا
 

رد: تسريب بنزين بالفيرنا
 

بصراحة إنت أول واحد اسمع منه الموضوع ده
عموماً حصل خير
وده مايعتبرش عيب يقارن باللي بيحصل في اللانوس
ده انت لو دخلت منتدى اللانوس الناس اللي راكبينها هيصعبوا عليك
عندهم مشاكل في الفرامل وعلب الدركسيون والثبات رايح في داهية والصاج منفخ والدنيا وحشة أوي
إحنا نقول الحمد لله على الفيرنا ياعم

رد: تسريب بنزين بالفيرنا
 

لا حصل الموضوع دة مع جارى و اشترى واحد استعمال خارج ب 95 جنية و هو فى التوكيل فعلا غالى جدا لو انت فى اسكندرية انا اعرف المحل و ممكن اوصفة لك