|
تلميع العربية بنفسك..فكر مليون مرة !!
انا اسف اسف اسف جدا يا جماعة بس الموضوع طلع متعب فوق الوصف ... الى معندوش استعداد يضيع 4 ساعات على الاقل !!!! فى دعك العربية بالفوطة عشان يشيل الشمع الزيادة وصدقونى انا كنت مليان حماس زيكم تماما ... بس التعب الى طلع على جتت الى خلفونى حلفت مليون يمين ان 100 جنيه الى هدفعهم تمن الشمع + المصنعية + الراحة فى بنزينة الوطنية الى على الدائرى أرحم مليون مرة من القرف الى شفته !!!!! يا جماعه والله والله انا بقلكم الموضوع التشميع مش بسيط خالص .. واذا دى أول مرة تجربوه ... فكروا تانى مليون مرة ... دا حتى فى البنزينة الموضوع بالكامل مش هياخد 45 دقيقة !!!! مش 4 زفت ساعات !!! لا ومليون لا انى اعملوا بايدى تانى ... انا اسف للتطويل ... وحظ سعيد لكم جميعا...
nononono |
رد: تلميع العربية بنفسك..فكر مليون مرة !!
ههههههههههه المهم النتيجه ايه؟العربيه بتلمع ولا لا؟
اكيد 4 ساعات وقت جامد قوى هو فيه حد عنده وقت يتنفس فى الزمن ده |
رد: تلميع العربية بنفسك..فكر مليون مرة !!
معلش بقا يا عم تامر هو فعلا الموضوع مهلك وممل وعايز وقت كبير علي ما تخلصه
المهم العربية في النهاية بتبقي عروسه ومستني صور لعربيتك يا زعيم بعد التعب ده |
رد: تلميع العربية بنفسك..فكر مليون مرة !!
ياباشا معلش وكله يهون مقابل دلع العربية
|
رد: تلميع العربية بنفسك..فكر مليون مرة !!
حرام عليك مش للدرجة دى متعقدش الناس ... أنا كل شهر أو أكتر شوية بغسل العربية كويس بخرطوم الجنينة وبعدين أنشفها كويس جدا وأدهنها بوليش والمعها وكل الموضوع دة مبياخدش معايا ساعة زمن وبناتى التلاتة و سنووى (قطنا الشيرازى) يقعدوا يلعبوا حوالية ويعاكسونى علشان عايزين يلعبوا لعبة الغسيل والتلميع بتاعتى وأنا مش راضى.
|
| الساعة الآن 06:55 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017