|
مشاكل a113والتوكيل(وشكر واجب)
الحقيقة مش عارف دة المكان المناسب للموضوع ولا لا بس انا لازم انقل تجربتى بسرعة ربما يستفيد اى من الاعضاء من الموضوع انا كان بيوجهنى مشكلة مع التوكيل وصيانة ال100ك المتعملش فيها حاجة خالص غير تغير الذيت والفلتر وتم تجاهل كل طلباتى الهيا عبارة عن عيوب فى التصنيع ومن حقى تصلحها المهم انى بعد ما دفعت الفلوس ومشيت من التوكيل (الكيلو 38)الرئيسى اكتشفت ان المشاكل ذادت فى العربية واقسم بالله انى مش بهول ولاكن ربما عدم اتمام بنود صيانة ال1000ك هوة الائدى للمشاكل دى الفرامل وطية جدا العفشة بالكامل بتخبط زوايا وتعويم خشونة فى السيارة غير طبيعية وطبعا جالى احباط خصوصا انى لسة جايب العربية من 13 يوم تقريبا لولا فضل المنتدى وخصوصا الاستاذ المحترم احمد فاروق الدلنى على الاستاذ احمد مهران ورحت فعلا للراجل ودى اول مرة ارحلة لاول مرة فعلا ادعى لمكانيكى فى حياتى الراجل طلع جرب العربية لمدة 20 دقيقة وفعلا هوة القالى العربية فيها اية من غير ما اتكلم واتعامل الراجل مع المشاكل الفى العربية لوحدة بنظام وسرعة حافظ العربية حتة حتة المهم انة بدون الدخول فى تفاصيل الصيانة اكتشفت ان العربية كانت مفكوكة كلها تقريبا والله ظبط الراجل الكلام والمشيت واخيرا حسيت انى اشتريت عربية زيرو انا مليش اى مصلحة غير انى بنقل الحصل معايا وفى الاخر اخد منى اقل من ربع الخدة التوكيل ربنا يبارك للك يأحمد يا مهران انت والاستاذ احمد فاروق واعضاء المنتدى دة المحترمين |
رد: مشاكل a113والتوكيل(وشكر واجب)
الف مبروك استاذ / كريم على الصيانة الموفقة وربنا يبارك لك فى العربية ويحفظها لك من كل شر وقد سعدت بلقائك كثيراًعند احمد مهران وهو راجل ابسط ما يقال عنه انه امين فى صنعته ومرة أخرى مبروك الصيانة |
رد: مشاكل a113والتوكيل(وشكر واجب)
اقتباس:
ونلتقى على خير انشاء اللة وانا هابعت رقمى لحضرتك على الخاص |
رد: مشاكل a113والتوكيل(وشكر واجب)
طبعاً كان لي الشرف بمقابلة الأخ المهذب الراقي أستاذ / كـــــــريــــــــم عند أحمد مهران ولحُسن الحظ تقابلت مع أخ عزيز وغالى أستاذنا / أشرف صبحى مُعلم الأجيال بالفعل سيارة كريم كانت فيها مشاكل من السهل جداً أنهم يعملوها فى التوكيل أنما بيستعبطو ليه ؟ معرفش ؟؟؟؟؟ والضغط اللى عليهم مش مبرر أبدأ أحمد مهران مثلاً بيبقى فاتح فى أربعة وخمس عربيات فى وقت واحد ،،، وبينجز وكله تمام ويفرق عنهم أنه بيفهم وعنده ضمير ألف مليون مبروك يا أستاذ كريم الصيانة الناجحة وأشكرك على ذوقك العالى وأدبك الجم وتقبل الله دعاءك ولك بمثل إن شاء الله ومتكسلش على اللى بعده التوكيل وظبط الزوايا عند بريد چيستون عمارات العبور |
رد: مشاكل a113والتوكيل(وشكر واجب)
الف مبروك يا استاذ كريم و الله حاجة تفرح
و ربنا يباركلك علشان نقلك للتجربة بامانة و ربنا يمتعك بالعربية و يسلم طريقك هذا من فضل الله |
| الساعة الآن 05:13 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017