مصر موتورز مجتمع السيارات - أنا دفعت غرامة سرعة النهاردة

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - أنا دفعت غرامة سرعة النهاردة (https://www.masrmotors.com/vb/showthread.php?t=38233)

أنا دفعت غرامة سرعة النهاردة

النهاردة و أنا راجع من الكلية في التجمع الخامس .. علي طريق NA و إنتا راجع من شارع التسعين علي مدينة نصر .. الطريق دا أنا بمشي عليه بقالي سنين و عمره ما كان فيه رادار أو كمين .. و النهارده كنت ماشي 80 عليه و لقيت كمين بيقولي إنتا عندك مخالفة سرعة .. قولتله هو السرعة عليه كام قالي 60 قولتله طيب فين اللافتات اللي بتوضح كدا قالي موجود و أنا طبعا عمري ماشوفت عليه لافتات .. المهم ربنا ستر و كان معايا فلوس و دفعت المخالفة ..

POLICEE
خلوا بالكم بقي من مرور بلدنا اللي بيخدع المواطنين علشان ياخد منهم فلوس .. أنا لما كنت في السعودية كان الطرق مكتوب عليها إحذر أمامك رادار علي بعد 100 متر أو علي بعد 500 متر إنما هنا بيحطوا الرادار زي الخزوء في أي مكان علشان يدفعوا الناس .. حسبنا الله و نعم الوكيل و أسف طولت عليكم

رد: أنا دفعت غرامة سرعة النهاردة

معلش تعيش وتدفع ... هم فعلا أعلنوا فى كل مكان سواء تلفزيونات أو راديوهات أو جرائد أنهم حيشددوا على موضوع السرعة فى القاهرة:
- على المحاور سواء القديمة أو الجديدة
- على الطريق الدائرى بوضع رادارات ثابتة قبلها لوحات تحذيرية بوجود رادار
- رادارات متنقلة فى شوارع القاهرة بالذات فى الليل

الحمد لله انك بخير وتظ فى الفلوس.

رد: أنا دفعت غرامة سرعة النهاردة

ربنا يعوض عليك ياباشا

بس هما قالوا هيزودوا الردارات على الطرق السريعة بشكل عام

وبعدين امشى على مهلك ياسيدى مش هتخسر حاجة

بس حلوة حتة :

اقتباس:

إنما هنا بيحطوا الرادار زي الخزوء

ههههههه انت عاوز تقارن مصر بالسعودية ؟؟ صباح الفل ياعم الرياض معدش فى عسكرى مرور بيقف هناك كلو بقى نظام مرور الكترونى

لو عاوز تعرف عنه اكتر
ادخل جوجل واكتب

نظام ساهر

ويجعله عآمر ياحكومة

بالتوفيق يابرنس

رد: أنا دفعت غرامة سرعة النهاردة

ربنا يخليكم يا جماعة علي كلامكم الجميل .. أنا مش متضايق من الفلوس أنا متضايق من النظااااااااااام بالكامل و ربنا يخرجنا من البلد دي علي خير

رد: أنا دفعت غرامة سرعة النهاردة

انا كمان الساعه 6.15 صباحا راجع من اسكندرية على الصحلراوي و اتقفشت رادار 150 جنيه على الصبح
حرام والله لما يساو عربية موديل 2011 بسرعة السيارات من 60 سنه و اكتر قال ايه 100 كم /ساعه
بالزمة البشوات بتوعهم بيمشوا 100 كم/ساعه