ان شاء الله مقبل على شراء رينو لوجان
 

بعد اذنكوا ياجماعة كان عندى استفسار بسيط انا ان شاء الله مقبل على شراء رينو لوجان ومقتنع بيها جدا والحمد الله وهشتريها من المعرض بس سمعت ان لما اشترى من المعرض السيارة بتكون اتركبت قبل كده او حد قبلى جربها ومشى بيها الكلام ده صح ولا

ولو صح اذل اتاكد وانا بشترى ان السيارة محدش ركبها قبلى

رد: استفسار لو تسمحوا وارجو الرد
 

لازم كل العربيات تكون اتركبت قبل كده علشان كده بيكونوا فاصلين عداد المسافة و مبيتوصلش الا قبل البيع
اهم حاجة متكونش مخبوطة او مجروحة او الفرش متوسخ ز زيادة اطمئنان يكون اسفل السيارة مفيهوش اثر لتجريح نتيجة مطب بس العربيات الزيرو كلها بتتركب علشان كذا حاجة:
1- النقل من الميناء او المصنع الى الموزعين و الوكلاء و المعارض و اذا مكنش من خلال سير العربية حيبقى من خلال سواق يطلعها و ينزلها من على النقل حاملة السيارات
2- المعرض نفسه حتى لو الوكيل كل شوية بيعيد تنظيم الصالة
3- لكن قصدك تتركب للاستخدام الشخصى فده مستحيل و لو افترضنا حصل يبقى المجنون الى عمل كده نجح انه يحافظ عليها من اى خربوش يا إلا حيلبسها و محدش حيشتريها

رد: استفسار لو تسمحوا وارجو الرد
 

متشكر جدا لرد حضرتك لكن مفيش موضوع ان حد يركب العربية علشان يجربها اصل انا مقلق الصراحة من حكاية المعرض دية اسف على الاطالة

رد: استفسار لو تسمحوا وارجو الرد
 

حتى لو فى حد ركب العربية يجربها
اولا صاحب المعرض مش عبيط علشان يغامر و لو غامر حتبقى مسافة لا تذكر لكن يجربها فى الشارع اشك و لو كان حصل فبرضه اقول ان حظه حلو ان العربية رجعت سليمة و الموضوع مش حيضر الشارى النهائى فى حاجة طالما العربية سليمة
امال لو شفت ساعات بينقلوا العربية من القاهرة للاسكندرية و العكس سواقة
على الاقل تجربة السيارة حتبقى اهون

رد: استفسار لو تسمحوا وارجو الرد
 

شكرا جدا لرد حضرتك ربنا يباركلك