ضحية البنزين المغشوش
 

عربيتى شيفروليه سبارك 2008 و بمون عادى من بنزينة موبيل اللى متعود أمون منها..
المهم أنا فولت 90 و روحت البيت و كل حاجة زى الفل ..
تانى يوم الصبح الجيران كانوا بيبنوا و خلو الدنيا كلها تراب و أسمنت (جايز يكون ده ليه علاقة)
العربية بدورها دارت بخشونة و من ساعتها و ابتدت معاناتى ..
العربية بتكركر طول الوقت كأنى مثلا بطلع على الرابع
و طبعا مفيش سحب خالص .. لازم تبقى دايس بالراحة خالص عشان تمشى ..
لو دوست بنزين جامد تكركر أيا كان وضع النقلات بتاعتى ..
روحت لميكانيكى قاللى نزل البنزين ده لأنه مغشوش ..
قلت خير كويس إنها جت على قد كده .. و نزلت البنزين و حطيت 92 و بالمرة منظف للرشاشات و بالمرة نضفت الموتور و الفلتر من التراب بكومبريسور الهوا .. و برضه المشكلة متحلتش ..
غيرت فلتر البنزين و المشكلة لسه موجودة (و إن كانت أقل بصورة طفيفة)
بس أداء العربية بقى مش مقبول إطلاقا و زى ما يكون إتعودت على كده ..
لأنها بقت بتمشى على الرابع اللى كانت بتمشيه زمان على التالت .. بس مفيش سحب و ده كان هيموتنى كتير و أنا بعدى عربيات و كده لأنى لما بدوس جامد بتكركر أيا كنت النقلة .
أنا شاكر جدا لسعة صدركم و ياربت أعرف اللى ممكن أعمله علشان أرجع التوك توك اللى فى الجراج عربية زى ما كان ..

رد: ضحية البنزين المغشوش
 

ممكن اسأل حضرتك نزلت البنزين ازاي؟وممكن تكشف عالعربية عالكمبيوتر يكون في حساس فيه مشكلة او حاجة تانية هيبينها الكشف

رد: ضحية البنزين المغشوش
 

مشكله حضرتك في الكهربا
جايز و احتمال كبير جدا يكون الموبينه فيها حاجه و الله اعلم

رد: ضحية البنزين المغشوش
 

اكشف على طرمبة البنزين (الرداخ) والرشاشات وحساس الايدل (بالترتيب) ..

احتمال كبير يكون البنزين المغشوش بوظ الرداخ وخلا ضغطة ضعيف ...

رد: ضحية البنزين المغشوش
 

لو معملتش نظافه كويسه لفلتر الهواء بعد البناء والأسمنت والذى منه

حاول تغيره ونظف علبة الفلتر كويس بخرطوم هواء مضغوط

وجرب العربيه أولا

قبل الدخول فى قصص طويله

لأن ممكن تكون أبخرة الأسمنت ليست نسيج فلتر الهواء وبالتالى ضاقت مسام الفلتر