|
عربيتى السويفت عملت حادثه ... يا ريت المساعده
السلام عليكم ورحمة الله وبركاته عندى عربية سوزوكى سويفت 93 من يومين العربيه خبطت فى رصيف عالى حوالى 40 سم والخبطه كانت فى مثلث الرصيف بالعجله اليمين بعد الخبطه العجله لقيتها رجعت لورا ومش راضيه تمشى لانها بتحك جامد فى الدلايه والصاج اللى وراها المهم اخدتها وروحت لعفشجى قال العربيه مفيهاش حاجه فى العفشه روح لسمكرى روحت لسمكرى قال لى ان الخبطه اثرت على الركبه بتاع العربيه ولازم يسترجعها مكانها وحط العربية بين شجرتين وشدها بين جنزيرين والجنزير الامامى موصل بونش ولف الونش لحد ما على حد كلامه ان الركبه وصلت لاحسن درجة من التحسن وقال لى ان العربيه من تحت ورا الركبه فيها برومه وطلب منى انى اروح للعفشجى يظبطها لى اكتر روحت للعفشجى حاول فيها بس العربيه لسه العجله الاماميه اليمين مانظبطتش كنت عايز استفسر من حضراتكم دلوقتى اولا اتصرف ازاى عشان احل المشكله دى ثانيا اعالج البرومه دى ولا اسيبها مع العلم انه قال ان الجزء صغير جدا ولو هعالجها ايه افضل طريقه لعلاجها ثالثا هل استرجاع الركبه هياثر على متانة العربيه على الطريق وهل دا يعتبر عيب فى العربيه وقت بيعها مره اخرى يا ريت اسمع منكم اجابات شافيه اسف على الاطاله و جزاكم الله خيرا |
رد: عربيتى السويفت عملت حادثه ... يا ريت المساعده
روح بريدجستون الهرم في بنزينة توتال واسأل على فني هناك اسمه ياسر وخد رأيه ممكن هوا يعملك الزرجينه لو محتاجه وربنا يكرمك ويعملك اللي فيه خير
|
رد: عربيتى السويفت عملت حادثه ... يا ريت المساعده
ممكن يكون عملك الزرجينة غلط لانها بتتعمل من جواه الكبوت ساعات او تحت عند العجل حسب الخبطه ونفس الكلام حصل معايا بس كانت حادثة مع نص نقل ..
بص يا باشا من الاخر فى واحد اسموه سعد عفشة على طريق السويس عزبه الهجانة ده يعملهالك وشغلوه تمام ورخيص ... وطبعا البارومة لازم تتعالج اسئل فيها سمكرى او بوهيجى اكتر واحد يفيدك والف سلامة |
رد: عربيتى السويفت عملت حادثه ... يا ريت المساعده
شوف سمكرى تانى وخد رأية متسلمش لرأى واحد
|
رد: عربيتى السويفت عملت حادثه ... يا ريت المساعده
جزاكم الله خيرا
|
| الساعة الآن 11:01 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017