مصر موتورز مجتمع السيارات - ممكن شرح سواقه الاتوماتيك ؟؟

مصر موتورز مجتمع السيارات (https://www.masrmotors.com/vb/index.php)

- نيسان NISSAN (https://www.masrmotors.com/vb/forumdisplay.php?f=32)

- - ممكن شرح سواقه الاتوماتيك ؟؟ (https://www.masrmotors.com/vb/showthread.php?t=37447)

ممكن شرح سواقه الاتوماتيك ؟؟

السلام عليكم ورحمه الله وبركاته...انا اللى شجعنى اطلب الطلب ده هو انى لاقيت روح حلوه بين كل اعضاء المنتدى وارجو منكم المساعده...انا الحمد لله اشتريت نيسان صنى اتوماتيك 2011 ودى اول مره اسوق اتوماتيك وخايف ان ابوظ الفتيس فى النقلات بينها وبين بعض لان ناس كتير قالتلى انها مش زى المانيوال ولازم لها طريقه معينه..مش عاوز اطول عليكم لكن انا عاوز اعرف طريقه السواقه الاتوماتيك من بدايه ما احرك العربيه من الجراج وكمان السواقه الطبيعيه ولوكنت فى مطلع كبرى وانتو عارفين ان الواحد ممكن على مطلع يمشى حبه ويقف حبه وممكن يقف كتير..اللى عاوز اعرفه هو حركه الفتيس مع فرامل اليد وفرامل الرجل والزرار الفضى اللى فى الجنب...يعنى مثلا انزل فرامل اليد الاول وبعدين اعشق ولا ادوس فرامل رجل الاول وبعد اعشق وبعد فرامل الايد...وامتى ادوس على الزرار الفضى وامتى لا...معلش انا عارف انه موضوع طويل بس انا بحب احافظ على الحاجه لان تصلحها مش بسيط وكمان الناس اللى مش عارفه تستفاد..دى اول مشاركه ليه فى المنتدى وارجو انها يكون ليها فايده.

رد: ممكن شرح سواقه الاتوماتيك ؟؟

إليك مشاركة للأستاذ محمد فيصل بالينك التالى
http://www.masrmotors.com/vb/showthr...t=16589&page=2

اقتباس:

الف مبروك عليك الانسر الاتوماتيك
شرح الجير الاتوماتيك سهل خالص
1.p* غيار الوقوف التام والركن /يتم تشغيل السيارة عليهودخول وخروج المفتاح
2.R*غيار العودة بالسيارة للخلف
3.N*الغيار الحيادى /اى المور فى المنيوال /يستخدم فى الاشارات الطويلة مع استخدام فرامل اليد
4.D*الغيار الخاص بالمشى بالسيارة عموما
5.ال3 الغيار البطىء من الجير يفضل استخدامه للسرعات البطيئة ولمسافات الزحام الطويله للمحافظة وعمل راحة لل.D
6-ال2 الغيار العجوز بالبلدى =المستخدم للحصول على العزم القوى مثل صعود منازل الجراجات الحادة
7-ال1 يساوى السابق ولكن بزيادة فى القدرة مثل القيادة على ارض طينيه موحلة

علاوة على موضوع آخر أكثر من رائع للأستاذ / حسام البورسعيدى
http://www.masrmotors.com/vb/showthread.php?t=36421

رد: ممكن شرح سواقه الاتوماتيك ؟؟

موضوع جميل بتاع الفتيس الاتوماتيك والمانيوال ولكن اخى الفاضل ليس هذا ما اريده...سؤال على سبيل المثل..لو انا واقف فى مطلع كوبرى وزحمه ووقفت..ياترى اقف على الـDولا الـ N واثناء التغيير لازم اكون دايس على فرامل الرجل ولا فرامل الايد مافيهاش مشاكل وتغنى عن الرجل..ولما ابتدى اتحرك علشان العربيه ماترجعش لورا ابتدى اعشق الاول ولا ادوس فرامل الرجل الاول وبعد كده انزل فرامل الايد وبعد كده اعشق..اتمنى ان اكون اوضحت الغرض من السؤال.

رد: ممكن شرح سواقه الاتوماتيك ؟؟

يا باشا مبروك عليك العربية و ربنا يديك خيرها و يكفيك شرها
لو انت واقف تقف على N و لو الاشارة او التوقف قصير خليك دايس فرامل رجل اما لو الوقفة مطولة رايح رجلك و شد فرامل اليد و عند العودة للتحرك عشق اثناء استخدام الفرامل و بعد التعشيق فك الفرملة سوا كانت يد او رجل

رد: ممكن شرح سواقه الاتوماتيك ؟؟

شكرا على الشرح ده بس ياترى لو كنت واقف فى مطلع هيكون ايه النظام؟