تجديد ونقل ملكية التيجو
 

لو سمحتم انا معايا تيجو 2000 سي سي اوتوماتيك موديل 2010 بتوكيل للبيع للنفس أو للغير تتبع مرور مصر الجديدة تحمل ارقام جديدة هاعمل تجديد ونقل ملكية لها بمرور السلام قريباً وكنت عايز اعرف هادفع ايه بالتفصيل في الشهر العقاري والمرور لحد ما اخلص الموال ده (ترخيص سنه أو ثلاث سنوات).

علماً بأني كنت أملك سيارة ريجاتا موديل 87 واللوحة القديمة لها تتبع نفس مرور مصر الجديدة وكنت نقلت ملكيتها لمرور السلام وتم بيعها منذ فترة ولكن مازالت مقيدة بأسمي (لم يتم نقل ملكيتها ولن يتم إلا بعد ما انقل ملكية التيجو).

كمان كنت عاوز اعرف لو حبيت اضيف الديفندر والعتب الجانبي على الرخصة ... ايه الاجراءات الخاصة بها ومصاريفها.

وشكراً لكل من يشارك بالرد من اهل الخبرة.

رد: تجديد ونقل ملكية التيجو
 

التسجيل بالشهر العقارى : 1616+20 = 1626 جنيه تقريبا ( باعتبارها 4 سليندر )

الضريبه لسنه واحده : 1065 + 60 ضريبة رفاهيه لكونها سياره ثانيه = 1125 جنيه

التأمين لسنه واحده : 85 جنيه

النماذج : 23 جنيه

ملاحظات :
1- يمكنك الأحتفاظ باللوحات الجديده ( ارقام و حروف ) طالما تتبع نفس المحافظه مع اختلاف وحدتى المرور .

فى حالة طلب لوحات جديده قيمة اللوحات 115 جنيه + 30 جنية تأمين لوحات .

2- سوف يطلب منك مرور السلام عمل مطابقة لشاسيه و موتور و ملف السياره من مرور مصر الجديده .

2- لا يمكن ترخيص الديفندر الأمامى لأنه يمنع تركيبه و هى مخالفة أمن و سلامه قد تعرضك لسحب الرخصه و ادخال السياره للفحص الفنى .


العتب الجانبى غير مخالف و لا يمكن اثباته على الترخيص الا اذا كان واردا بالأفراج الجمركى للسياره .