|
تشبيع غيار الاسبيرانزا a113 ومشكلة السحب والمطالع
اشتريت a113جديدة ولقيت كتبين بالكتيب بتعها ان الترس الاول يجيب لحد 45كم والترس الثانى اخره 85 كم والترس الثالث اخرة 110كم وكما كتبين ان تجيب الغيار لحد قبل المنطقة الحمراء فى عداد الاربى ام يعنى لحد 6000 لفة الغيار دى غريب على السيارات انا طول عمرى بسوق سيارات عمرى ما عديت ال4000 فى عداد اللار بى ام مش عارف الكلام ده صح ولا لئة وانا لسة فى فترة التليين وبجيب الغيار لحد 3000 لفة فقط بس سحبها مش حلو وفى المطالع سىء جدآ مش عاوزة تتطلع خايف اشبع الغيار زى ماهما قاليين علشان الموتور لسه جديد مش عارف اعمل ايه الين الاول وبعدين اشبع بس مشكلة السحب ده وبالذات على المطالع اعمل فيه ايه كده لازم اشبع الغيار علشان اعرف امشى بيها واطلع المطالع كويس ياريت اللى عنده العربية دى يفيدنى مشكورآ هو لما اجيب الغيار فى عداد الربى ام عند 3000 لفة يبقى سحبها ضعيف وكدا لازم اشبع الغيار علشان اعرف امشى بيها واطلع بيها النمطالع كويس ولا المشكلة دى فى فتره التليين فقط وبعد كده ايشد الموتور لوحده
|
رد: تشبيع غيار الاسبيرانزا a113 ومشكلة السحب والمطالع
اخى العزيز . أولا : ألف مبروك العربيه .
انا كانت عندى ال A113 وأقدر افيدك ان العربيه بعد التليين حاتتحسن معاك . ولاحظ : ان هما بيطلعوها من مصنعها بالطريقه دى حفاظا على الموتور . ودا عشان الشباب التافه اللى بيحب المنظره بالعربيات الجديده . أكيد انت فاهمنى . . بس لعلمك العربيه بتسحب كويس بعد التليين والصيانه الأولى . . صحيح هى مش بتاعه أمركه وتفحير والكلام الفاضى دا . انما على الطريق السريع أول ما تاخد طريقك بتفتح معاك جامد وتعدى ال 140 كمان مرتاحه . مع اتزان عالى على الطريق . وخاصه فى الملفات . بس خليهم وانت فى مركز الخدمه يرجلشولك الفرامل الخلفيه سنه . لأن حاتلاحظ ان الفرامل بتحدف العربيه لأدام . ودا ممكن لاقدر الله يتسبب فى مشاكل مستقبليه احنا فى غنى عنها . ( يرجلشوا مصاطر الفرامل الخلفيه ) مش فرامل اليد .. |
رد: تشبيع غيار الاسبيرانزا a113 ومشكلة السحب والمطالع
وياريت تخليك زى مانت ماشى ... محافظ على عربيتك ربنا يباركلك فيها ويكفيك شر طريقها وشر الحسد وشر ولاد الحرام . حافظ جدا على الموتور فى الفتره الأولى للتليين وماتقرصش عليه . يعنى خللى اقصى سرعه ليك خلال التليين تكون 80 . والف مبروك مره تانيه .ROSE4U
|
رد: تشبيع غيار الاسبيرانزا a113 ومشكلة السحب والمطالع
استاذ سيف الدين بعد التليين اجيب الغيار على 6000 لفة فى الغيار الواحد ذى ما الكتاب بقول
|
رد: تشبيع غيار الاسبيرانزا a113 ومشكلة السحب والمطالع
مش شرط . اكيد انت بتسوق بقالك مده وعارف ان العربيه بيكون افضل لها ان صوت موتورها مايرتفعش للنقلات . وكل ما بيكون الموتور هادى . كل ما بيطول عمره . واكيد انت رجلك حاتكون حساسه على عروستك الجديده .444546
وانت حاتحس الفرق فى السياره انه بيتحسن شويه بشويه لغاية بعد ال 5000 الأولى |
| الساعة الآن 09:57 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017