|
أوتوكروس دمياط الجديدة
خبر طاااااااااااااااااااازة ptmnlo123per154 أول سباق أوتوكروس في الدلتا يا شباب .. أوتوكروس دمياط الجديدة 2008 .. برعاية نادي السيارات و الرحلات المصري .. و تنظيم شركة لمسة جروب للإعلان و الميديا .. و بمشاركة أبطال الاوتوكروس في مصر .. على رأسهم " تامر باشات " و " مدحت رمضان " و " محمد ضياء زكي " و " هيثم بلال" و " رامي سري " و " وليد أمير " و غيرهم و غيرهم و فرصة عظيمة للمبتدئين لأن أول 10 مراكز هتاخد جوايز .. يعني اللي معاه عربية شديدة فرصته حلوة .. و اللي بيسوق كويس فرصته أحسن .. المهم .. ان شاء الله التصفيات و تجريب التراك يوم الخميس 4/12/2008 و النهائيات يوم الجمعة 5/12/2008 .. و يبدأ السباق الساعة 3 عصراً .. و التغطية الإعلامية هتكون فوق العادة .. OTV و كمان Auto Moto TV و غيرهم .. ده غير الصحافة الرياضية طبعاً .. بس نصيحة محدش يحاول ينافسني .. لأني هشترك في السباق ... يعني اللي خايف على نفسه ...................ptmnlo 123per111 أيوة كده عايزين سباقات كتير في البلد يا جماعة فين الشغل ده من زمااااااااااان .... اللي عنده استفسار يتصل بالشركة المنظمة .. (0572410266 ) و كمان ( 0169405591) و أي خدمة .. |
رد: أوتوكروس دمياط الجديدة
خبر جميل جدا بجد اشكرك عليه واتمنالك كل التوفيق والنجاح فى السباق
احنا هنثبت الموضوع وفى انتظار الصور والاخبار اول بأول ان شاء الله واهلا بيك يا باشا فى مصر موتورز ptmnlo123per122 |
رد: أوتوكروس دمياط الجديدة
اولا صباحك زي الفل
دي اول مشاركه ليا واول يوم اسجل فيه اصلا ويظهر اني حظي كويس جدا عشان شوفت موضوعك ثانيا بقي يا سيدي انت بتخوفنا يعني ولا ايه انك داخل السباق انت مين في الاسامي الجامده اللي انت قولتها دي انا سمعت عنكو بس محصليش الشرف اني اتعرف بيكو واعتقد ان ثالثا السابق هيكون فرصه كويسه اوي وشرف ليا اني اتعرف عليكو بجد مع احترامي طبعا للاسامي الجامده دي بس انا ببلغ حضرتك اني قبلت التحدي ولو بتخاف انت بقي ..................... بس انا عندي استفسار لو سمحت اللي عاوز يجي الخميس ويبات ظروفه ايه يعني في عندكو فنادق ولا نجيب سرايرنا معانا عموما انا هتصل بالارقام دي الصبح ان شاء الله وعزرا عالاطاله يابرنس |
رد: أوتوكروس دمياط الجديدة
ياااااااااااااااااااااااا ااااه بقالي كتير كده بدرس بره دمياط
دمياط بدات تاخد موقع على الخريطه مع اني مش بحب دمياط الجديده الاخ عاشق بلا حبيبه بالراحه علينا يا عم انت جاي بلد الموبليا و تقول اجيب سراير معانا بالزمه ده كلام عندك فنادق كتير اولا في فندق كزلابلانكا على طريق كفر البطيخ بلد عصام الخضري عندك فندق المنشي في دمياط شارع النقراشي في وسط البلد فندق ابو طبل فب راس البر في شارع السوق القديم عندك في راس البر تاجر شقه عادي و ياباشا لو كده تشرفني في العشه عندي في راس البر عشه 41 شارع 91 بس ياترى بتتعشى و لا بتنام خفيف بتشرب شاي و لا مش كييف علشان اعمل حسابي |
مطلوب التسجيل من اللي هيشاركوا في أوتوكروس دمياط الجديدة
يا جماعة الناس في الشركة المنظمة بيقولوا لازم قبل يوم الثلاثاء تبعت اسمك و رقم بطاقتك الشخصية ضروري عشان يتم تسجيل أسماء الناس و معرفة عدد المتسابقين .. لأن عدد المتسابقين واضح انه كبير .. و المنافسه هتبقى على ودنوووووووووووووووووووووو .. و اوعى وشك |
| الساعة الآن 04:38 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017