بشرى
 

أنا عايز ابشر الناس اللى حاجزه ال B15 واللى منتظرين وصولها بانى زرت التوكيل امبارح وعرفت منهم ان الدفعه الجديده حاتكون فى الميناء خلال يومين . وانه منتظر ان الناس تستلم خلال 10 أيام انشاء الله . وان الدفعه دى جايه فيها مجموعتين مجموعه بأوبشن كامل ( تقريبا ) ومجموعه نصف اوبشنات .

وربنا يبارك للجميع ويكفيكم ويكفينا شر الطريق ( والعين ) ................

رد: بشرى
 

هى بشرى ساره فعلا.......بشرى ساره للناس اللى حاجزه وانشاء الله يستلموا على خير وربنا يحفظهالهم يارب.......وبشرى ساره لنا جميعا لانى بحس ان التوكيل بدأ يفكر(لو فعلا هينزل الجاك ب 2 اوبشن) وبدأ يفهم ان ارتفاع الاسعار مش فى صالحه ......يعنى ناس مش نايمه ذى ما كنت فاكر......ومادام بيفكروا يبئى مفيش خوف عليهم ........والله أعلم

رد: بشرى
 

يا باشا السعر مش مرتفع اطلاقا بالنسبه لجودة العربيه واوبشناتها . ولو ارتفع السعر ودا متوقع جدا مع بداية العام الجديد . اعتقد انه برضو مش حايكون مرتفع عليها . مع العلم ان المعلومه اللى وصلتنى امبارح انه احتمال ينزل فى شهر يناير او فبراير القادم اوبشن الأوتوماتك فى الفتيس . ( احتمال ) وطبعا دا لوحده له حسابه . وفتحة السقف .. ودى كمان لها حسابها .. يعنى مهما ارتفع سعر السياره فهو منافس بكل المقاييس . وكما قيل من قبل ( لما نشوف العربيه ومواصفاتها . ونقارنها باى نوع تانى من الماركات من ناحية السعر .. حانعرف انهم بيدونا على قفانا ) فقط لمجرد الإسم او الماركه ....444546

رد: بشرى
 

فعلا كلامك مظبوط........لاكن الدفعه بتكون كام عربيه

رد: بشرى
 

أنا سألت المبيعات هناك . واكدولى انها مابتزيدش عن 100 عربيه فقط حاليا . ودا لكثرة الضغط والطلب على سيارات الركوب بفئاتها المختلفه وخصوصا ان الشركه لسه باديه سيارات الركوب قريبا . ومش احنا بس اللى بنطلب . دول كتير اوى بتطلب زينا .