مصر موتورز مجتمع السيارات - ظبط الزوايه والترصيص سؤال ضروري

السلام عليكم ورحمة الله وبركاتة اخى الكريم اذا كان حضرتك وبالعين المجردة قدرت تحدد ان العربية لسة ملوحة يبقى اية فايدتة تروح تتاكد من حدا تانى فى حاجة انت واثق منها وشايفا
اخى الكريم عفوا فى التعبير اوعى تعمى نفسك وتحس ان السمكرى دة بيشوف اللى حضرتك مش قادر تشوفة اوعى تمشى ورة كلامة ربنا ادانا عقل ونظر حكم نظرك وعقلك واللى انت عاوزة لازم تعملة لو فضلت ماشى ورة كلام السمكرى ومقتنع انة هو صح على طول يبقى كدة انت بتضحك على نفسك لو فعلا متاكد ان عربيتك لسة معوجة اوعى تستلمها وصر على موقفك واعملة سياح وقلق ادام الورشة بتعتة وشهد علية ناس ولو حكم الامر هات سمكرى من حتى تانى يستلم عربيتك ولو لية بقية حساب اوعى تدهولة الا لما يعمل العربية صح .......الناس دى عاوزة تدق اى دقتين فى العربية وتاخد كل اللى فى جيبك وخلصنا على كدة حاسين اننا بنلاقى الفلوس فى الشارع اكتر حاجة بتنرفزنى ان حد يضحك على ويقنعنى بحاجة انا شايفها بعينى ويفضل يؤلك يا بية ويا تية واسلوب رخيص والناس دى صدقنى بتفلس ومش بيكون عندهم شغل من معاملتهم للزباين لان الزبون بيروح مرة وما بيرجعش تانى .........وبعدين ظبط الزوايا بالكمبيوتر بيظبط العجل يمين وشمال ولجوة ولبرة ومدى استقامة العجل الخلفى مع العجل الامامي يبقى ممكن العربية تكون ملوحة بالكامل لكن العجل على استقامة واحدة ساعتها والعربية ماشية اى نعم العجل موازى للبعض لكن العربية كلياً ماشية بجنب واكيد كلنا بنشوف عربيات زى كدة فى الشارع ودى بتبقى خطر فى السفر ومدى تحكمك بالعربية بيكون صعب فى السرعات العالية اخى الكريم ارجوك اوعى تستلم العربية الا لما يعمل الشغل مظبوط وانت وهو والقسم ....... عموما مقاس العربيات بيكون معروف يعنى الشاسية من الركبة للركبة كام سم فوق وكام من تحت وفى خلفية العربية ايضا لان المقاسات دى ستاندر روح الحرفين لو انت من القاهرة واسال واحد سمكرى قلة نوع عربيتك وهما بيكونو حافظين مقاسات العربيات وشيك على عربيتك انت هات متر صاج مش قماش لانة بيتمط وقيس من الركبة للركبة كام وقارن بكلام السمكرى بتاع الحرفين وربنا يوفقك يا رب