فورد مونديو و فولكس جيتا؟
 

سلام عليكم
يا جماعة انا كنت عايز اعرف رايكم اية في فورد مونديو الشكل الاخير اللي اعتقد 2009 و 2010 الهاي لاين اصل العربية دي نادرة اوي اصلي سمعت عنها طلام رائع.
وكمان كنت عايز اعرف لو احب اشتريها الاقيها فين ربنا يكرمكم؟
وسعرها في حدود كام الشكل الاخير الهاي لاين بتاعها؟
ولو قارناها بفولكس جيتا الهاي لاين افضلهم اية؟
ياريت يا جماعة تردوا علي بسرعة وبالذات اي معلومات عن المونديو عشان انا مايل ليها شوية
وربنا يكرمك ان شاء الله

رد: فورد مونديو و فولكس جيتا؟
 

المونديو عربيه رائعه جدا جدا
موتور 1600 سى سى 122 حصان
مانيوال فقط لا يوجد منها اوتوماتيك فى مصر
6 سرعات
بها كل ما تتخيل من كماليات
8 ايرباج
بلو توث
فتحه سقف ( هاى لاين )
كومبيوتر عربيه ( شاشه LCD فى الهاى لاين )
عربيه المانى 100 %
واسعه جدا جدا من الداخل وشنطتها كبيره

سعرها 200 الف ( Base Line )
الهاى لاين 230 الف

مقارنه بباقى العربيات

هى افضل من الجيتا بمراحل ( بس مانيوال )
المانى 100 %

سعرها مبالغ فيه شويه لان ال BMW المانيوال ب 215 الف
والاتوماتيك ب 240 الف

بس ال BMW اقل فى الكماليات من المونديو بس عربيه وهميه
وكمان عيب المونديو انها نادره بمعنى انك كمان 5 او 10 سنين مش هتعرف تبيعها خالص
فهى عربيه تركبها وتستمع بيها لكن ماتفكرش تبيعها

التوكيل بتاعها كويس وهو فكرى جروب
لو انت من القاهره وعايز تتفرج عليها
هتلاقى فى معرض فورد الى فى شارع ذاكر حسين فى مدينه نصر بعد انبى وقبل جامع السلام

على فكره الاوكتافيا فانتازيا والاسكودا سوبيرب منافسين اقوياء جدا جدا للفورد مونديو
اتفرج عليهم وقارن بينهم
ربنا يوفقك

رد: فورد مونديو و فولكس جيتا؟
 

افتكرت كمان منافس قوى جدا
وهى الباسات الجديده ال 1400 سى سى
طبعا عربيه غنيه عن التعريف والكلام
والباسات بتبدأ من 215 الف وحتى 260 الف ( الهاى لاين)

رد: فورد مونديو و فولكس جيتا؟
 

ربنا يخليك علي الرد
انا بسال عن تمنها مستعملة الشكل الاخير طبعا يعني حالة كويسة او كسر زيرو
ورايك اية هي يعني ولا جيتا؟

رد: فورد مونديو و فولكس جيتا؟
 

طب اية راي حضرتك فيوجهة النظر دي كان واحد قالي عليها
بس مشكلتها ان كل الجثة ديه عليها موتور 1600 و فتيس مانوال يعني لو شديت بيها مع فسبا هايضحك عليك الدنيا هههه
المشكلة ان العربية ديه اقل موتور عليها في اوروبا 2500 فطبعا موتور 1600 و 119 حصان قليل جدا على كتلة الحديد ديه
عموما مفيش مقارنة مع الجيتا ديه نفس فئة الباسات<!-- google_ad_section_end -->