|
حساس الباركنج للجاك ب15 أتسرق
اليوم اكتشفت سرقة واحد من السينسور وهو الموجود فى الوسط ووجدت الأخير من شمال العربيه يعنى متحرك للداخل --- المهم الموضوع يدايق ويحرق الدم ومش عارف ايه العمل اولا هل يوجد منه فى التوكيل ربنا يسهل طيب السعر ربنا يسترويكون معقول الأهم اللون يعنى لازم يكون فضى زى العربيه والأهم انه يركب بطريقه تجعله ثابت يعنى يتلزق بطريقه تجعله هو والأكسدام وحد يعنى علشان يتسرق يبقى لازم يتسرق معاه الأكسدام --- ارجع تانى وقول حاجه تحرق الدم -- ولى سؤال هل هذا السينسور بيتباع وهل كله واحد يعنى استاندر ولابيختلف من عربيه الى اخرى --- الرجاء اهل الخبره يفيدونا
|
رد: حساس الباركنج للجاك ب15 أتسرق
لا حول ولا قوة الا بالله
العين صيباك جامد ربنا يسامح لي خدها ويهدية بس بجد معنديش اجابة لسؤالك انا اخر حاجة كنت اتوقع سرقتها هي السنسور!هيسرقة يعمل بية اية!وياتري سرق واحد يجربة ويرجع ياخد الباقي يعني انا عندي لما بخبط السنسور خبطة صغيرة بيضرب الانذار اكيد حد محترف سرقة حاجة تحرق الدم فعلا بأذن الله هتلاقي الحل فلتوكيل ويكون سهل بأذن الله |
رد: حساس الباركنج للجاك ب15 أتسرق
حاجه تحزن بصراحه وحسبى الله ونعم الوكيل فى اللى عمل كده......بس ممكن يكون تخريب من عيال صغيره انما الحرامى هيسرق واحد هيعمل بيه ايه دا دواير وسلوك ماشيه لحد التابلوه......على العموم اتصل بالتوكيل واستفسر عن الموضوع دلوقتى واكيد هتلاقى حل وربنا معاك يأستاذ أيمن
|
رد: حساس الباركنج للجاك ب15 أتسرق
لسه متصل بواحد صاحبى ركب سنسور بارك ذى اللى عندنا واشتراه ب150جنيه وركبه فى عربيته الانسر عند كهربائى ب30 جنيه وقاللى ان الاستاذ ايمن مش هيحتاج من السنسور غير القطعه اللى بتتركب فى الاكسضم وتتشبك فى السلك الاصلى بتاع القطعه اللى اتسرقت ........حبيت اقوللك يأستاذ ايمن عشان متزعلش وتهدا شويه....
|
رد: حساس الباركنج للجاك ب15 أتسرق
على فكره يا أستاذ ايمن . ممكن لو حضرتك من القاهره أقوللك على مكان اكيد انت عارفه .( التوفيقيه ) .
سوق التوفيقيه عند بتوع الإكسسوارات واللى بيركبوا الحاجات دى فى شارع ذكى امام سنترال رمسيس . وبالذات المحلات اللى جنب شركة الأهرام للبلاستيك . الناس دول احتمال كبير انشاء الله تلاقى عندهم قطعه بدل اللى اتسرقت . اما موضوع التثبيت .. ممكن يلصقوه بأمير او اى ماده مشابهه . بس انا افضل انه يتلصق بالسليكون او مسدس الشمع عشان لو لا قدر الله حصل اى مشكله او عطل مستقبلا . تقدر تستبدلهم بأقل الخسائر . اما اللون . فهو قطعه صغيره ومش حايبان فرق لونها لو روحت لأى بتاع دوكو وطلبت منه نقطه واحده فضى من اى درجه . يعنى بسيطه انشاء الله . معلش ربنا يعوض عليك . وفداك اللى ييجى فى الحاجات دى . |
| الساعة الآن 08:47 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017