مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   ميكانيكا السيارة (https://www.masrmotors.com/vb/forumdisplay.php?f=148)
-   -   مقياس زيت الماتور (https://www.masrmotors.com/vb/showthread.php?t=36524)

tham1010 10-10-2010 09:39 AM

مقياس زيت الماتور
 
يا جماعة. طبعا من الطبيعى أن الواحد يقيس زيت الماتور من خلال المقياس الموجود فى كل العربيات والذى يكتب عليه حرفى F و M فلو سمحتم عاوز أعرف المفروض الزيت يكون لحد فين على هذا المؤشر؟ لمبة الزيت عندى بتفضل منورة قبل بداية تشغيل الماتور وبتطفى بعد التشغيل للماتور. الزيت والعربية باردة بيكون مستوى الزيت فى المنتصف بين حرفى M و F فهل من المفروض أن يصل مستوى الزيت إلى حد M أو قريب منه. هل سبب إضاءة لمبة الزيت فى التابلوة هو إن الزيت أقل من الحد المطلوب ويجب تزوبده.

نرجو الإفادة عن الطريقة الصحيحة لقياس الزيت فى المحرك والحد الذى يجب أن يصل إليه الزيت على المؤشر؟

وماذا يحدث لو زأد الزيت فى الماتور عن حد M

وكيف نخفض مستوى الزيت فى الماتور إذا إضاف الشخص عن دون قصد زيت أكثر من علامة M

Thanks

محمد التمساحي 10-10-2010 09:56 AM

رد: مقياس زيت الماتور
 
بعد صباح الخير ياباشا المفروض الاتي ان لمبة الزيت تكون منورة لما تفتح الكونتاك بس ولماتدور العربيه تطفي هي ولبمة الدينامو اما مستوى الزيت يقاس والموتور مش داير لفترة مثلا 5 او /10 دقايق على الاقل وتكون العربية على ارض مستويه مافيش عالي وواطي عشان تاخد قراءة مظبوطه اما عن الكم فالزيت يكون لحد العلامه العليا لايتزود ولا تنقص ولو ال زيت زاد معاك عن كده وعايز تنقصه تروح لبتاع زي وتركن عنده شويه بتاع 10 دقايق ويقس لقى الزيت زياده فعلا يقلل شويه ويقيس تاني ولو مظبوط خلاص هي عربية حضرتك نوعا ايه؟

tham1010 10-10-2010 10:05 AM

رد: مقياس زيت الماتور
 
العربية هيونداى ماتركس 2001.

أفهم من كلام حضرتك أن الزيت يجب أن يصل للعلامة العليا المكتوبة عليها M. الزيت دلوقتى موجود فى المنتصف على مقياس الزيت.... يعنى بين M و F

احمد على 1999 10-10-2010 10:12 AM

رد: مقياس زيت الماتور
 
بالاضافة لما قاله الاستاذ محمد
اقتباس:

المشاركة الأصلية كتبت بواسطة tham1010 (المشاركة 258149)
يا جماعة. طبعا من الطبيعى أن الواحد يقيس زيت الماتور من خلال المقياس الموجود فى كل العربيات والذى يكتب عليه حرفى F و M فلو سمحتم عاوز أعرف المفروض الزيت يكون لحد فين على هذا المؤشر؟ لمبة الزيت عندى بتفضل منورة قبل بداية تشغيل الماتور وبتطفى بعد التشغيل للماتور.

زى ما الاستاذ محمد قال لك ده طبيعى لان اللمبة مش بتاعة المقياس ده بتاعة ضغط الزيت الى بيبقى صفر و العربية مبطلة فلازم حتبقى منورة و بتطفى بعد ما تدور فى حدود ثانية او ثانيتين على الاكثر اذا مكنش بمجرد التدوير لان الضغط بيبقى طبيعى

الزيت والعربية باردة بيكون مستوى الزيت فى المنتصف بين حرفى M و F فهل من المفروض أن يصل مستوى الزيت إلى حد M أو قريب منه.

هو انهى حرف هو العالى لو m معناها minimum يبقى اكيد هى العلامة التحتانية و ساعتها f معناها full و حتبقى العلامة الفوقانية
قياس الزيت المفروض بالطريقة الى قال عليها الاستاذ محمد بس ابقى امسح المقياس و حطه تانى قبل ما تحكم المفروض بيبقى بين العلامتين و يستحسن يبقى قريب من العلامة العلوية اذا مكنش عليها المهم ميزيدش عنها (عن العلامة العلوية) لان ده بيخلى الزيت يعمل زى الفوم و بيقلل كفائة التزييت و طبعا ميقلش عن العلامة السفلية لان ده حيحطم الماتور

هل سبب إضاءة لمبة الزيت فى التابلوة هو إن الزيت أقل من الحد المطلوب ويجب تزوبده.

طبعا مما سبق لو اللمبة نورت و العربية دايرة تبقى كارثة تستدعى ابطال فورى للماتور (لان معناها ان ضغط الزيت اقل من المفروض) و حتبقى اسبابها كتير منهم انخفاض المستوى الزيت - انسداد جزئى او كلى فى الفلتر او احد مسارات دورة الزيت - تلف مضخة الزيت

نرجو الإفادة عن الطريقة الصحيحة لقياس الزيت فى المحرك والحد الذى يجب أن يصل إليه الزيت على المؤشر؟

زى ما الاستاذ محمد قال

وماذا يحدث لو زأد الزيت فى الماتور عن حد M

مهو انا محتار هل ال m هى الى تحت و لا الى فوق؟
مهو ممكن تكون هى الى فوق ساعتها حيبقى معناها maximun و f معناها fill (يعنى زود) فعلشان كنتلخبطش و الحاجات دى بتفرق من عربية لعربية فخليها لما تمسك المقياس عدل زى ما هو راكب فى الماتور عندك حتشوف علامة علوية الزيت المفروض ميعديهاش و علامة سفلية الزيت ميقلش عنها و يفضل يكون على العلامة العلوية بقدر الامكان بس لن يحدث ضرر طالما مقلش عن السفلية و الفرق ما بين العلامتين 1 لتر
وكيف نخفض مستوى الزيت فى الماتور إذا إضاف الشخص عن دون قصد زيت أكثر من علامة M

Thanks


محمد التمساحي 10-10-2010 10:18 AM

رد: مقياس زيت الماتور
 
اعتقد ان f هي العليافبغض النظر عن f/mلما تطلع المقاس وتوقفه على السن كانه ف الموتور الزيت يكون معلم لحد العلامه ال فوق


الساعة الآن 10:52 AM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017