|
أرجو المساعدة من فضلكم للاهمية القصوى : رينو كليو أو بيجو 206 أو فليشيا ( مستخدم )؟؟؟؟
بسم الله الرحمن الرحيم الحكاية كلها أني عايز عربية لا يزيد سعرها عن 40 ألف جنيه على الإطلاق .... و وصلت في اختياراتي للعربيات دي : رينو كليو - بيجو 206 - فولكس بولو - سكودا فليشيا http://www.car100100.com/car_images/...2/egyptcar.jpg http://www.car100100.com/car_images/...12940/left.jpghttp://www.car100100.com/car_images/...3/egyptcar.jpg http://www.car100100.com/car_images/.../autoegypt.jpg ملحوظة : الصور ليست لسيارات معروضة عليا - انا جايبها من مواقع بيع سيارات و بصراحة الأقرب لقلبي الرينو ( لانها سيدان ) و البيجو ( لانها الأفضل شكلاً ) لكن انا استخدامي للسيارة مش هيكون كتير و هحافظ عليها و استخدامي هيكون شخصي مش عائلي يعني السيدان مش فارق أوي ( بس هو مزغلل عيني برضه ) .... في النهاية انا عايز اختار العربية الي ميكانيكيتها احسن و متعطلش كتير ... يعنى معرفش ليه بحس ان الفليشيا عفية و تستحمل رغم قلة كماليتها ... و الرينو حاسس فيها عفريت لانها سيدان + جميلة الشكل + صالون حلو و تابلوه جميل جداً و تعتبر ارخص من البيجو 206 !!!!! انا برضه ميهمنيش سعر اعادة البيع اوي لاني مش هفكر في كدة الا كمان 6 سنين ( على الأقل ) و بالمناسبة انا بفكر في عربية موديل من 1998 إلي 2002 .... أنا طلعت كل أفكاري و اتمنى من كل أعضاء هذا المنتدى المحترم الكرام مساعدتي لاني لسة جديد ... و لو حد شايف نوع تاني ممكن يناسبني اكتر ياريت ينصحني بيه برضه ... شكراً مقدماً .... |
رد: أرجو المساعدة من فضلكم للاهمية القصوى : رينو كليو أو بيجو 206 أو فليشيا ( مستخدم )؟؟؟؟
ياعتقد ااريت حد يرد علشان ده مطلبى انا شخصيا والموضوع ده موضوعى انا كمان
|
رد: أرجو المساعدة من فضلكم للاهمية القصوى : رينو كليو أو بيجو 206 أو فليشيا ( مستخدم )؟؟؟؟
طبعاً الرينو تكسب لأنها سيارة محترمة وتتحمل الكثير والكثير وأيضاً تكنولجيا جيدة
وان كنت ارشح لك اللوجان حيث أن مبلغ مثل ال40000 مقدم يتيح لك قسط لا يزيد عن 500 جنيهاً-يفيدك في هذا الأستاذ سيف-وتكون ركبت زيرو أطيب تحية ROSE4U |
رد: أرجو المساعدة من فضلكم للاهمية القصوى : رينو كليو أو بيجو 206 أو فليشيا ( مستخدم )؟؟؟؟
اقتباس:
أولاً : شكراً لردك العطر ... أبدأ بإجابة النقطة الثانية بخصوص اللوجان .. انا حدودي اخرها 40 ألف خصوصاً إني لسة طالب ( ده 40 ألف اخري بالموت POLICEE) بالنسبة لتفضيلك الرينو لانها سيارة محترمة فكلهم شركات محترمة ايضاً ( بيجو - فولكس فاجن - سكودا ) .. لكني أردت رداً حول ميكانيكية السيارات و ادائها و اعطالها إلخخخخخخخخ ..... و شكراً مرة أخرى كثيراًًًًًًًً استاذي الكريم و اكون شاكراً لو كلمت لي الاستاذ سيف لاني جديد في المنتدى و معرفش حد !!! |
رد: أرجو المساعدة من فضلكم للاهمية القصوى : رينو كليو أو بيجو 206 أو فليشيا ( مستخدم )؟؟؟؟
انا ارشح لك البولو (بس لو موديل من اول 2001 اللى هو الشكل الاحدث من الصورة) لان اللى فى الصورة دى كاربيراتير ..
لو مكانش يبقى البيجو ثم الرينو ثم الفيليشا .. والترتيب ده من حيث الاجمل و الاكتر فى الاوبشنز (مع انهم تقريبا كلهم اوبشنز واحد) اما من حيث البساطة فى الصيانة وتوافر قطع الغيار فالترتيب هيكون .. الفيليشيا البولو البيجو والرينو (تقريبا زى بعض فى الحالة دى) مع العلم ان العربيات دى كلها قطع غيارها غالية شوية (لكن الفليشيا متوسطة ومتوفرة) ومبروك مقدما يا باشا ... |
| الساعة الآن 11:42 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017