مطلوب رايكم بسرعة
 

مطلوب رايكم بس بسرعة قدامى عربيتين الاتنين عاجبنى
الاولى
GMC بليزر موديل 1989 2500 سى سى وافضلها بصراحة ومفيش مشكلة فى الحجم لانى كان معايا جيب شيروكى
بس خايف من موضوع قطع الغيار

الثانية
نوبيرا 1 استيشن موديل 1997 طبعا قطع غيار متوفرة والدنيا بمبى بس المشكلة انى شايف الجى ام سى احلى
مش عارف لو حد عنة فكرة عن قطع غيار الGMC بليزر
ياريت يدلنى على الاسعار وتوفرها فى السوق

رد: مطلوب رايكم بسرعة
 

والله يا احمد باشا انا لو مكانك اللى اعرفه احسن من اللى معرفوش وهختار النوبيرا خاصة ان الجمس ديه عايزة بينزينه ماشيه وراها

رد: مطلوب رايكم بسرعة
 

بس ممكن نقلبها غاز اية رايك؟؟؟؟؟

رد: مطلوب رايكم بسرعة
 

الجى إم سى سيارة نادرة الإنتشار بمصر يعنى مشكلة فى قطع الغيار والصيانة وإعادة البيع ولكن هذا لا ينفى جودتها وإعتماديتها

النوبيرا سيارة جيدة من حيث قطع الغيار والصيانة ويعيبها عفشتها والصراحة النوبيرا الإستيشن شكلها بشع

ياريت تعاود التفكير فى سيارات أخرى

رد: مطلوب رايكم بسرعة
 

معلش يا باشا متزعلش منى بس انا مانصحكش بالـ GMC خالص لاسباب كتير ..

اول حاجة حووووووووت بنزين طبعا كعاده العربيات اللى من النوع ده وكمان موديل قديم يعنى تكنولوجيا قديمة وكربيراتير يعنى مفيش توفير بنزين خالص ..

تانى حاجة اكيد طبعا هتكون قطع غيارها نادرة وبالتالى هتكون غالية (برضو اتأكد اكتر فى النقطة دى فى النقطة دى) وهتضطر لما حاجة تبوظ تدور على حاجة بتاعة انواع تانية وتمشيها عليها والمواويل اللى انت اكيد عارفها ..

مش هتلاقى الصنايعى اللى يفهم فيها كويس (ولونها العربيات دى بتبقى مفهاش تعقيد)

وكمان حجمها كبير اوى وهتتعبك فى الزحمة والركنه والذى منه ..


اما بالنسبه للنوبيرا هى عربية كويسة بس لو مانيوال يعنى اوعى تجيب اتوماتيك لان الفتيس بتاع النوبيرا الاتوماتيك ضعيف وبيقلل السحب جامد (عن تجربه مع نوبيرا 2000) وكمان هتكون استيشن يعنى اتقل من السيدان ..


وانا مقدر احساسك انك مايل لل GMC وعارف انك بتقول لنفسك برضو عربية منظر وغريبة وجامده ونادرة يعنى هتبقى متميز وكمان انتا اخدت على الشيروكى كل الكلام ده انا معاك .. لكن عايزك تحسبها صح وهات العربية اللى تقضيلك مشاويرك مش اللى تبقى مشاويرك علشانها .. فاهمنى يا باشا ..

بص من الاخر احسبها تانى مع نفسك (انا عارف ان القرار صعب) وصلى صلاة استخارة وادعى ربنا يوفقك للخير وتوكل على الله ..

عموما يا غالى مبروك مقدما وربنا يوفقك للخير ..

تحياتى .. اخوك حسام ....