مصر موتورز مجتمع السيارات
صفحة 1 من 3 1 23
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   التعديلات الشكلية (https://www.masrmotors.com/vb/forumdisplay.php?f=127)
-   -   عايز أركب زينون في الأكصدام (https://www.masrmotors.com/vb/showthread.php?t=36257)

b A d R 06-10-2010 03:47 PM
عايز أركب زينون في الأكصدام
 
عايز أركب زينون في الأكصدام مكان لمبات الفوج لايت أو الشبورة .. حد يقولي إزاي و كام سعر الزينون ياريت حد يفيدني بليز

Injection 07-10-2010 09:38 AM
رد: عايز أركب زينون في الأكصدام
 
بيبقى زينون عادى ياباشا, الجهاز هو هو الجهاز العادى, مايختلفش عن الزينون العادى غير فى شكل اللمض حسب فوجات عربيتك, الناس بتسميه زينون فوجات وبيتباع فى نفس حدود الزينون العادى, الصينى بحوالى 300 الى 400 جنيه حسب المحل والفصال

وبيتركب زى الزينون العادى بأختلاف أن اللمض بتبقى فى الفوجات, بس.

بس لازم تختار درجة اللون المناسبة (3000k, 4200k) حسب أستعمالك ليه, كل ما درجة الحرارة دى عليت كل مالزينون لونه هيزرق, وهيبقى منظر على الفاضى لأنه مش هيوضح الطريق كويس (معظم ضوئه غير مرئى للعين العادية) وكل ما درجة الحرارة قلت كل مالزينون بقى أبيض وأصفر, لونه مش حلو قوى بس بيوضح الطريق كويس, وهكذا.

http://marsperformance.com/attachmen...COLOR-TEMP.jpg

بس أبقى قول للراجل زينون فوجات, هيسألك على نوع لمض الفوجات (h3,h4) أو نوع العربية ويديلك الزينون.

gehadnessem 07-10-2010 04:45 PM
رد: عايز أركب زينون في الأكصدام
 
لكن ايه هو الدرجة المناسبة يا انجيكشن بالنسبة للطريق وك شكل؟؟؟

b A d R 07-10-2010 10:49 PM
رد: عايز أركب زينون في الأكصدام
 
اقتباس:
المشاركة الأصلية كتبت بواسطة Injection (المشاركة 256428)
بيبقى زينون عادى ياباشا, الجهاز هو هو الجهاز العادى, مايختلفش عن الزينون العادى غير فى شكل اللمض حسب فوجات عربيتك, الناس بتسميه زينون فوجات وبيتباع فى نفس حدود الزينون العادى, الصينى بحوالى 300 الى 400 جنيه حسب المحل والفصال

وبيتركب زى الزينون العادى بأختلاف أن اللمض بتبقى فى الفوجات, بس.

بس لازم تختار درجة اللون المناسبة (3000k, 4200k) حسب أستعمالك ليه, كل ما درجة الحرارة دى عليت كل مالزينون لونه هيزرق, وهيبقى منظر على الفاضى لأنه مش هيوضح الطريق كويس (معظم ضوئه غير مرئى للعين العادية) وكل ما درجة الحرارة قلت كل مالزينون بقى أبيض وأصفر, لونه مش حلو قوى بس بيوضح الطريق كويس, وهكذا.

http://marsperformance.com/attachmen...COLOR-TEMP.jpg

بس أبقى قول للراجل زينون فوجات, هيسألك على نوع لمض الفوجات (h3,h4) أو نوع العربية ويديلك الزينون.

عليا الطلاق إنتا برنس و جامد جدا جدا جدا .. كام يوم كدا علشان لسه عامل تركيب فرش و تغيير سيور و فلاتر فهجمع فلوس و أطلع علي شارع دمشق و ياريت الأقي زينون فوجات للأوكتافيا .. و أول ما أركب هعمل موضوع فيه الفيديو بتاع الزينون .. و ميرسي يا حبيبي و الله كلك ذوق

4BY4

Injection 11-10-2010 06:04 PM
رد: عايز أركب زينون في الأكصدام
 
اقتباس:
المشاركة الأصلية كتبت بواسطة b A d R (المشاركة 256807)
عليا الطلاق إنتا برنس و جامد جدا جدا جدا .. كام يوم كدا علشان لسه عامل تركيب فرش و تغيير سيور و فلاتر فهجمع فلوس و أطلع علي شارع دمشق و ياريت الأقي زينون فوجات للأوكتافيا .. و أول ما أركب هعمل موضوع فيه الفيديو بتاع الزينون .. و ميرسي يا حبيبي و الله كلك ذوق

4BY4


كلك زوق والله ياباشا, شكرا جدا على ردك الجميلROSE4U.

اقتباس:
المشاركة الأصلية كتبت بواسطة gehadnessem (المشاركة 256619)
لكن ايه هو الدرجة المناسبة يا انجيكشن بالنسبة للطريق وك شكل؟؟؟
الدرجة المناسبة ياباشا للفوجات هى 4300 أو 6000 كلفن, لو أعلى اللون هيزرق ومعظم الضوء الخارج من اللمبة هيبقى بره رؤية عين الأنسان, ضوء غير مرئى, وهيلغى وظيفة الفوجات اللى هى الرؤية فى الضباب.

ولو أقل اللون زى ماحضرتك شايف فى الصورة هيصفر وشكله مش هيبقى حلو, بس ضوئه هيبقى أكثر وهيوضح الطريق لكن شكله مش هيبقى حلو خاصة لو صينى.

4300 كويس قوى كشكل ولون ورؤية, 3000 هيوضح أكثر بس لونه هيدى على أصفر جامد.

وأسف جدا علشان أتأخرت فى الرد على حضرتك, ظروف والله.


الساعة الآن 10:40 AM.
صفحة 1 من 3 1 23
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017