سؤال بسيط بعد اذنكوا .......!!! تكييف السيفيا
 

انا ان شاء الله قدامي سيفيا حاالتها محترمة بس صاحبها بيقولي التكييف عايز يتشحن
طيب ... علي اسوء الظروف ايه اللي ممكن يكون بايظ فيه او حاجه فيه بايظة وتقريبا تتكلف كام
يعني (العربيه محترمة ومش عايز اسيبها علشان التكييف )
ولا ايه رأييكم
منتظر ردودكم :)

رد: سؤال بسيط بعد اذنكوا .......!!! تكييف السيفيا
 

ممكن يكون التكييف عايز يتشحن فريون .. وده امره سهل وهيتكلف حوالى 100 او 150 جنيه ..

وممكن تكون سربنتينة التكييف فيها تسريب او ملحومة قبل كده اكتر من مرة .. وكده هتحتاج تغيرها وهتعمل فى حدود 400 جنية (لو ملحومة كذا مره هتاثر على اداء التكييف وهتسخن العربية وانت مشغل التكييف يعنى المفروض متتلحمش اكتر من 3 او 4 مرات )

على اسوء الظروف ممكن يكون الكومبريسور بايظ او ضغطه ضعيف ومحتاج يتغير (وده بقى فيلم كبير ومشكلة صعبة لكن نادر جدا لما يحصل كده يعنى متقلقش )


هو غالبا هيكون عايز شحن بس روح لحد معروف وخليه يشيك على التكييف كله الاول وكمان السربنتينة (اهم حاجة) ...

ومبروك مقدما على العربية يا باشا وربنا يوفقك .....

تحياتى ...

رد: سؤال بسيط بعد اذنكوا .......!!! تكييف السيفيا
 

قبل الشراء اكشف على التكييف عند حد متخصص علشان تعرف هيصرف اد ايه

رد: سؤال بسيط بعد اذنكوا .......!!! تكييف السيفيا
 

إذا كانت السيارة مثل ما ذكرت و لا ينقصها إلا التكيف فقط فتوكل على الله
افرض اسوأ فرض تكييف بالكامل =5000 ج
إذا اصبحت السيارة فى هذة الحالة غالية
ابحث عن أخرى تكيفها سليم ويعمل

رد: سؤال بسيط بعد اذنكوا .......!!! تكييف السيفيا
 

انا برضه قبل ما اشتري السيفيا صاحبتها قالتلي عايز يتشحن وبس ...ولما اشتريت حصلي الاتي بالضبط في خلال شهرين من الاصلاح المستمر:
غيرت سربنتينه ب300 كوري جديده وكبتها ونضفت التلاجه الداخليه وشحنت ب300 وراح الفريون مسرب
غيرت وصله ضغط عالي ب120 وشحنت ب 150 وراح مسرب
غيرت كومبريسور ب 450 وشحنت ب 150 وراح مسرب
اختبرت الدايره حته حته وغيرت كل ال سيلات وشحنت ب 175 وراح مسرب
في الاخر قالولي ان الكومبريسور الي اشتريته بايظ رحت ارجعه بس كان عدا شهر والراجل رفض يرجعه
واهو الحمد لله الشتا داخل والحياه سعيده ومش مصلحه
احسنلك اديله 200 جنيه قيمه الشحن زياده على تمنها وخليه يسلمك التكييف شغال لان الكومبريسورصلاحيته 4 سنين تقريبا في السيفيا والله اعلم