استفسار من اخل الخبره فى 128
 

عندى عربيه 128 ومشكلتها انها بتسحب بنزين بشكل كبير (الصفيحه بتعمل من 120 الى 140 كيلو) رحت لبتاع الكرابرتير ونضف الكربراتير وركب اكس وباب وغير طقم بكات وبعد كده لقيت العربيه زى الاول المهم رحتله تانى فقالى غير البوجيهات رحت مغيرها ولكن نفس المشكله موجوده علما بانى مغير طقم كهرباء كامل من قبل لما اروح لبتاع الكرابرتير فهل يوجد سبب اخر لموضوع الكرابرتير ام الميكانيكى ده على قده ومش عارف حاجه ارجو المساعده وجزاكم الله خيرا

رد: استفسار من اخل الخبره فى 128
 

حل عمة الكربوراتير بعد ما المكنه تسخن كويس

لو ملقيتش باب الكربوراتير واقف على سيفه

ولقيته مايل أو مقلوب أو موارب

يبقى الشغل اللى أتعمل بتاع الأكس مش مظبوط

والباب لسه مبوش ومن هنا بيتم سحب بنزين كتير وبالتالى بيزيد الأستهلاك

كأنك بالضبط شادد الشفاط وماشى بالعربيه حيث يكون الأستهلاك فى أقصاه وباب

الكربوراتير مش مفتوح كويس

رد: استفسار من اخل الخبره فى 128
 

السلام عليكم ورحمة الله
اخى الكريم موضوع ان العربية تعمل 120 كيلو فى الصفيحة دة شىء صعب جداااااااااا الامركانى يا راجل مش بيعمل كدة .....لالالالا اول ما قريت مشكلتك دماغى ما جابتش موضوع كربراتير خالص لو مفهاش كربراتير اصلا مش هاتعمل 120 كيلو .........بص يا باشا نخلص الاول موضوع الكربراتير دة ونشوف الاسباب اللى ممكن تعمل كدة اولا الكربراتيير مش بيتعمل عند ميكانيكى خالص لا فى ناس مخصوصة للكربراتير وخلاصتهم واقسم بالله بدون اى دعاية لاى حد وما ليش اى هدف غير افادة الاعضاء فى مركز صيانة كربراتير ورشاشات فى مدينة قباء فى المنطقة الصناعية هنااك فى شارع الثلاجة المكان دة فوق الممتاز حضرتك بتدخل تاخد دور زى البنك بالظبط وبعدين الفنى هناك وكلهم متعلمين على فكرة وصاحب المكان مهندس ميكانيكا بيقيس مستوى العادم بتاع عربيتك بالجهاز ولو فى عيب بيؤلك لازم يتفك سعر الفك والتركيب سبعين جنية غير قطع الغيار مش هاتصدقنى لو قلتلك كان معايا مازدا 323 بتاكل بنزين وبعد ما رحت هناك العربية كانت بتعمل 300 فى الصفيحة ربنا يبارك للى اخدها .........كدة خلصنا موضوع الكربراتير بس انا حاسس ان العيب مش منة عاوزك تراجع خراطيم البنزين من اول التانك الى الموتور ومن الموتور الى التانك الراجع شوف كدة لو خرطوم مقطوع او بيسرب فى حاجة كمان ماسورة وكاوتشة التنك نفسة ممكن تكون مشققة ومع مشي العربية بيخرج بنزين منها بس انت مش بتشمة ممكن كمان التانك نفسة يكون مخروم لازم تكشف علية .....عاوزك كمان تشوف الشكمان او صوتة تحديدا هل هو منتظم ولا فى عفوا فى التعبير تفتفة اى صوت منتظموفداة غير منتظم بدة يدل على ان فى صباب مش بيقفل كويس يعنى بيسحب بنزين اكتر من الطبيعى بس لالالالا المشكلة عندك تسريب مش حاجة ميكانيكية وانا اراهن على كدة بالمناسبة معايا 128 بتعمل 220 كيلو فى الصفيحة امسك الخشب ونبى
السلام عليكم

رد: استفسار من اخل الخبره فى 128
 

باشا الف الف شكر على الرد الجميل

بس لنل اكتشفت امبارح المشكله كانت فين ؛؛ رحت لبتاع الكربراتير فقالى هانعمل تجربه بسيطه وهى رحنا بنزينه وفولنا التنك ورحنا مشوار حوالى 30 كيلوورجعنا وفولنا التنك تانى ولقينا الاستهلاك كان مناسب جدا وتعرف المشكله طلعت فين؟؟؟؟؟؟؟؟
المشكله طلعت فى عداد الكيلومتر لان المشوارعلى العداد عمل 9 كيلو فقط والمشوار كان كبير بس الراجل قال انه 30 كيلو بالظبط لانه مجربه على عربيات زيرو قبل كده المهم انا صدقته لان مستحيل المشوار دة يكون اقل من 20 او 25 كيلو وقالى لازم تصلح عداد الكيلومتر

والحمد لله عرفنا علاج المشكله وظهرت مشكله جديده وهى اصلاح العداد
وشكرا على كل من رد على هذا الموضوع

رد: استفسار من اخل الخبره فى 128
 

احساسي فى محلة الموضوع كان بعيد عن الكربراتير ......موضوع الكيلو متر دة بقى غير واير السرعة بحوالى 20 جنية او الترس البلاستيك اللى فى الفتيس بحوالى 8 جنية